|
وقفة خاصة لشعراء الوطن
الشعراء هم ثروة وطنيه وهم الصوت المجلجل
في ساحة الشعر ولهم الدور البارز في اللحمة الوطنيه ومن جماليات الشعراء تميز شاعر عن شاعر سواء في الوصف او المعنى والوطن ولله الحمد يزخر بالشعر والشعراء سواء شعر نبطي او فصيح او شعبي فمنهم قضى نحبه ومنهم من توالى بعدهم ومنهم من خلد في ذاكرة الجماهير الذواقه وع سبيل المثال نجد الشاعر الشعبي الكبير شاعر الوصف والمعني سعد بن جدلان اخذ مساحة كبيرة في الاعجاب سواء جمهور او اشادة جميع عمالقة الشعر بانواعة اليوم نبدأ الوقفة مع الشعر والشعراء ونقتبس ابيات من قصائدهم سواء كانت شعبيه او نبطيه ع حسب الذائقة مع ذكر اسم الشاعر قلمي |
رد: وقفة خاصة لشعراء الوطن
وقفة للشاعر جزاء البقمي
نجدِّد البيعة ونقريك السلام يا قايد (الأمّة) ويا: ربانها وحنَّا معك في حرب والاَّ في سلام ارواحنا لك مرخصين أثمانها نضرب بسيف الحق فصّام العظام اليا تفلّت بالفتن شيطانها |
رد: وقفة خاصة لشعراء الوطن
وقفة للشاعر سعد بن جدلان الله يرحمة
ودنا بالطيب بس الدهر جحّاد طيب كل ما تخلص مع الناس كنـك تغشها كل ماشبيت نار المحبة مـع حبيب قام يسحل فـي مشاهيبهـا ويرشها يدك لامدت وفاء لا تحرّى وش تجيب كان جاتك سالمة.. حب يدك وخشِّها وكل ما صادفت لك فالزمن وجه غريب مثل ماقال المثل دام تمشي مشها وذمةٍ ماهيب تندان للحق المصيب جعل قشّاش الحطب لاسـرح يقتشها |
رد: وقفة خاصة لشعراء الوطن
وقفة مختارة للشاعر بدر عبدالمحسن
ليه احس اني وانا اشوفك حزين؟؟ وقلبي الليله بهمي ممتلي كانها الفرقا .....طلبتك حاجتين لاتعلمني.... ولاتكذب علي خلني مابين شكي واليقين وش يهم رضاي خله وازعلي باكر الي خافي لازم يبين الوعد بالقى مكانك به خلي وانتظر لي ليله او ليلتين لين مايقضى السحاب وينجلي ولاقطعت الياس ببكي دمعتين للهوى الاول وباوادع هلي صاحبي باموت من كثر الحنين بس انا بختار لحظة مقتلي |
رد: وقفة خاصة لشعراء الوطن
وقفة للشاعر تركي الميزاني
قصيدة سبرة بطل يا فالق الصبح يا مولج نهارك بليل يا جامع الناس في يوم البعث والنشور عليك كل إتكالي وأنت نعم الوكيل يا عالم بالمصير وما تكن الصدور يا الله يا الله تهديني سواء السبيل وتعصم لساني عن الزلة وعن كل زور الشعر موقف وحده مثل حد الصقيل لو كان كتلة من احساس البشر والشعور يا ما رقا بي ورقيته براس الطويل وياما سبح بي بحور وغصت به في بحور وانا ليا حان ميقاتي قبست الفتيل واوقدت من نار فكري للمسافات نور واليوم لاهنت ياشعري ما يخدم بخيل ما دام سلحتك الافكار ما أنت معذور قدمك من العز ما يروي ظما كل جيل سوالفه تزرع الامجاد في كل بور وقدمك لميع الهنادي والقنا والصقيل وقدمك من المجد ما ترويه كل العصور مسافة العز ما تنقاس كيلو وميل بركانها ما خمد وامجادها ما تبور يا موكب الشعر وقف واستمع لي قليل حتى أني اعطيك للتاريخ رخصة عبور سيرة بطل ما تغيبها حكاية رحيل تبقى بوجه الزمن كالنحت فوق الصخور ما كانت أرض الجزيرة قبل ذاك الاصيل إلا تفكك عقيدة وانحدار ودبور نهارها كم قتيل وليلها كم قتيل جنايز مالها فوق البسيطة قبور قويهم سلطته تسلب حقوق الذليل وشيطانهم ساد والظلم انتشر والفجور وكلّ لخصمه من اصناف العداوة يكيل وصدروهم من جهلهم بالمعاصي تفور ما للأمن شجرة فيها مقر ومقيل ولا بينهم للمودة في الجزيرة جسور هذا قبل هيت تخطيها عيون الدليل وهذا قبل سطوة القرم العزوم الصبور النادر اللي على العارض يهيم ويخيل من يوم عمره عشر شوره غلب كل شور من قو باسه صنع ممكن من المستحيل ومن طيب راسه يحل معقدات الامور زهابه الصدق والاخلاص حمل الصميل وسلاحه الدين والتقوى سلاح الغيور جمع شتات القبايل لين صاروا فصيل واخوان عقب التناحر والجفا والشرور وحكم بشرع الكتاب اللي ما غيره بديل وعم الفرح فالبلاد وساد كل السرور لا مال ميزان غيره ما يحيد ويميل في حضرته ينكسر راس الجهل والغرور شخصيته ما لها في كل جيله مثيل تجف الاقلام وبمدحه تضيق السطور والله ليبطن ماجابن ناقضات الجديل مثله ولا اقول في كل النشامى قصور ويا الله يامستجيب للدعاء يا جليل من عبدك اللي لك مطيع وذليل وشكور ترسل على قبر ابو تركي صدوق المخيل وسم يساقيه من غر السحاب البكور وتهل فوقه بسيل ما يلاديه سيل وترحم عظامه وتغفر زلته يا غفور وتجمع به المصطفى في جنتك والخليل وتحفظ عياله مواكير الحرار الصقور وانك تجمل وتهديني سواء السبيل وتعصم لساني عن الزلة وعن كل زور صح لسانه |
رد: وقفة خاصة لشعراء الوطن
متصفح فخم ك انت اخي الصامت
سلمت على ذوقك الرفيع لك الود والاحترام . تقييمي وختم الحصرية . |
رد: وقفة خاصة لشعراء الوطن
وقفة لشاعر الامير عبدالرحمن بن مساعد .
أسأل الأعمي .. ان كان في نومه يشوف ليه يصحى ؟! واسأل اللي ما درت عنه الهموم اللي درى ان العمر محدود وان الفرح مهما اختفي .. موجود اسأله ليه ينوم ؟ وان جاوبوك اسألني ليه حنا افترقنا يا صاحبي مابه سبب لفراقنا غير اننا جينا بزمن ماهو زمنا ياصاحبي مابه سبب لفراقنا غير اننا في حبنا عشنا الصدق وفي وقتنا وشهو الصدق في وقتنا لجل اللقاء تكذب ولجل تاصل ماتبي تكذب ياصاحبي خذها من جرحي نصيحه كانك تبي تاصل ؟ اكذب .. اكذب .. اكذب الصدق في وقتنا اصبح فضيحه في وقتنا دايم تهيم في شي ماتعرف مداه دايم تهيم فلي بعد عن سكتك واللي زهد في محبتك واللي فـ يدك ومتحمل جروحك معك ما يهمك تنساه ولو تقتله ما يألمك وبقدامك تاطاء على دماه |
رد: وقفة خاصة لشعراء الوطن
اقتباس:
شكرا عميقة لتواجدك في متصفحي المتواضع |
رد: وقفة خاصة لشعراء الوطن
وقفة للشاعر خلف بن هذال
قصيدة قالوا توادع قالوا توادع قلت يا صعب الوداع وشلون أوادع من معه قلبي وديع قلبي معه والسر من فرقاه ضاع صحيح من يفقد زمام أمره يضيع أليا ذكرت الخد والسود الوساع تسابقت غارات عبارتي جميع اصبر على الهجران قدر المستطاع احمل همومي للخلا واشري وأبيع أبيع شي بالجواهر ما يباع بعته رخيص وضاق أمامي كل ذيع بين الرجا واليأس يشتد النزاع بعده دهر ومشاهده عندي ربيع تستدرج الأيام مفتول الذراع من حيث لا يعلم وترميه بالسريع |
رد: وقفة خاصة لشعراء الوطن
لشاعر ابراهيم طوقان /
كَـفْـكِـفْ دمـوعَـكَ لـيــس يــنفَـعُـكَ الـبـكــاءُ ولا الـعـويــل وانـهــضْ ولا تـشــكُ الـزمــانَ فـمــا شـكــا إلاَّ الـكـســول واسـلـكُ بـهـمَّـتِــكَ الـسَّـبــيلَ ولا تـقـلْ كـيــف الـسَّـبـيــلُ مــا ضَــلَّ ذو أمــلٍ سَــعــى يـومـاً وحـكـمـتــهُ الـدَّلـيــلُ كــــلاَّ ولا خــــاب امــــرؤٌ يـومــاً ومـقـصْــدهُ نـبــيــلُ أْفـنَـيْـتَ يـا مـسـكـيُــن عُــمرَكَ بــالــتَّــاوُّهِ والــحـــزَنْ وقـعــدتَ مـكـتــوفَ الـيــديْن تـقــولُ حـاربـنــي الـزَّمــنْ مـا لــمْ تـقــمْ بـالـعـبــئِ أنتَ فَــمَــنْ يــقــوم بـــه إذن |
رد: وقفة خاصة لشعراء الوطن
وقفة للشاعر صاحب السمو الملكي خالد الفيصل
بعض من الابيات عن المطر كل ما كفّ المطر واقفَى السّحاب زاد شـوقـي للـسّـحـاب وللـمطـر والله إنِّي ما احتمل طول الغياب جـفّـت الغـدران واصفرّ الخضر |
رد: وقفة خاصة لشعراء الوطن
من روائع ووقفه ل خالد الفيصل
(كفاني عذاب)... كفاني عذاب الله يجازيك بأفعالك جرحت الضمير وما طرالك تداويني مريض المحـبه داه ودواه بـوصالك الا كيف تبخل وانت نظرتك تشفيني الا واعذابي كيف ما عاد يهنالك سوى انك تشوف الموت بيديه يطويني انا يوم احبك ما تصورت غربالك ولا قد خطـر في بالي انـك تجافيني تفرغت لك يا ساكن القلب ابحالك تقل غيرك من الناس ما هم بحييني انا قمت اناجي بين الاحلام مرسالك وزولك حبيبي لو بالاحلام ناسيـني |
رد: وقفة خاصة لشعراء الوطن
وقفة لصاحب السمو الامير عبدالله الفيصل رحمه الله ..
يا توأم الروح و نور البصر ضاقت مني الروح بهذا السفر وغشت الوحدة عيني فما يؤنس عيني كل هذا البشر سوى محياك دجى حالك فأين منه لمحة للنظر |
رد: وقفة خاصة لشعراء الوطن
وقفة لشاعر / محمد بن فطيس
سولفوا تكفون لا عاد تسكتون .. . . قبل لا أهوجس وياتيني بلاي السكات يزود طعوني طعون .. .. وتنكسر لا جا على راسي عصاي سولفوا لو ما بغيتوا اتسولفون .. .. قبل لا اقعد في الحزن رايح .. وجاي واضحكوا لو بالعماله تضحكون .. .. وجاملوني لو يضايقكم حكاي لي وليفٍ راح جعله ما يهون .. .. هو دواي وداي .. أو داي ودواي راح لكن طيف زوله في العيون .. . . مرةٍ قدامي ومرة وراي .. |
رد: وقفة خاصة لشعراء الوطن
وقفة من قصائد الشاعر ناصر الفراعنه
قصيدة التوجد كل ما فاضت عيوني نجر ابن حربان دنّا في ضلوعي يسمع اللي من ورا بغداد دنّه يوم ابن مدعث لنا سنّ الوجود الحقّ سنّا وا فوادي كنّ دود الارض يرعى في مسنّه وا فوادي لو تضنّى يابن مدعث ما تضنّى كنّه المجدور عقب الجور مرميٍّ بعنّه اشعل التنباك من خلقته ما شبّه و كنّا مير كنّه من عجاج فاح من صدره يكنّه وا وجودي وجد منهو عضّ بابهامه وحنّا واحدٍ شاف الثلاث البيض سودٍ مستجنّه شاف قدّام الخيام خشيف ريمٍ مرجهنّا وثوّر البندق يبي صيده وراغ الخشف عنّه اطلق اربع عقبها اربع ثم سمع صوتٍ يونّا واثرها امّه صابها طلقه و طار العقل منّه واتهموه بذبحة امّه ليلة العيد و تجنّا اتهمته الناس و صدوف المقادير اتهمنّه قالوا اخوانه ترى منّا بمنك ولا انت منّا يفرق الله بيننا و بينك عسى مالك مظنّه لك ثلاث ايام من ذلحين و ارحل من وطنّا عقبها تخطر على راسك مضاريب الاسنّه . |
رد: وقفة خاصة لشعراء الوطن
جميل من ان نجد من يعطي اهمية للشعراء وشعرهم ويظهر اهميتهم بكل فخامة
موضوع جميل ومختلف سلمت يمينك ويمين من اكمل معك (ندى الجنوب) |
رد: وقفة خاصة لشعراء الوطن
وقفة مع احدى روائع صاحب السمو الامير عبدالرحمن بن مساعد/
: سيد جروحي شمس عمري وظلي البعد طول والخطا منك واضح اذا غرورك يمنعك تعتذر لي تعال جنبي وابتسم لي واسامح تدري احبك لكن الموت ذلي ادوس انا قلبي لو الشوق جامح الله اعطاك الحظ واصبحت خلي والله اعطاني اياك بعضي ملامح سالتني يا ياسميني وفلي يا كيف يشفي الورد والشوك جارح مثل العيون الي لها كل كلي زايد حلاها لكن الدمع مالح سيد جروحي شمس عمري وظلي الحب بعد وقرب نخطي وصافح اذا غرورك يمنعك تعتذر لي لا تعتذر لي قول اسمي واسامح |
رد: وقفة خاصة لشعراء الوطن
وقفة مع قصيدة الدكتور غازي القصيبي رحمه الله /
أجــل نـحـن الحـجـاز ونـحـن نـجــد هــنــا مــجــد لــنـــا وهــنـــاك مــجـــد ونــحــن جــزيــرة الــعـــرب افـتــداهــا ويــفــديــهـــا غـــضـــارفـــة وأســـــــــد ونـــحـــن شـمــالــنــا كـــبــــر أشـــــــم ونـــحـــن جـنــوبــنــا كـــبــــر أشـــــــد ونــحــن الـبـيــد رايـــــات لـفــهــد ونــحــن جمـيـع من في البـيـد فـهــد ونـحـن عسـيـرنـا مطلـبـهـا عـسـيـر ودون جـبــالــهــا بــــــــرق ورعــــــــد ونـحــن الـشـاطـئ الـشـرقــي بــحــر وأصـــــــداف وأســــيــــاف وحــــشــــد. |
رد: وقفة خاصة لشعراء الوطن
اقتباس:
تشرفت بمرور معرفك الفخم |
رد: وقفة خاصة لشعراء الوطن
وقفه للشاعر الراحل غازي القصيبي
لا تسأل الركب لا تسأل الركبَ بعد الفجر هل آبُوا الرَّكبُ عاد وما في الرَّكبِ أصحابُ تفرَّقوا في دروب الأرض وانْتَثَرُوا كأنَّه لم يَكُنْ عَهْدٌ وأحبابُ ما في العَناقيد من أشعارهم حببٌ والخمر من بعدهم في دنها صابُ يا طارق الباب رفقًا حين تَلْمَسه لو كان في الدار خِلٌّ صفَّقَ الباب بعضُ الدروب إلى الأوطان راجعةٌ وبعضُها في فضاء الله يَنْسَابُ |
رد: وقفة خاصة لشعراء الوطن
وقفه من ابيات حكمة
الشاعر: سليمان بن شريم: وربعك الى بان الخلل فيك عافوك اقرب قريب لك من الناس يشناك ان كثر مالك اصدقولك وطاعوك وان قل ما بيدك شانت حلاياك لو تطلب الماء عندهم كان ما اسقوك ابعد مزارك عن وطنهم ومرباك وان طاب حظك اصدقولك وحبوك وان بار كل ما يبي غير فرقاك وهراجة المجلس الى جيت وروك منازل تطرب نظريك بدنياك والى قضوا منك اللوازم وخلوك تفرقوا وانت احتمل لحل ما جاك كنك سراج البيت للنور شبوك واللي انقضى اللازام حد الربع طفاك |
رد: وقفة خاصة لشعراء الوطن
وقفه للشاعر خالد الفيصل
الناس تفنى والمباني والاملاك والقول يبقى والخبر للتوالي الشعر معنى حكمته بعد الادراك وما كل يلمع على النور غالي والشعر صور شاعر فيه تلقاك اما لبس لك جوخ ولا سمالي |
رد: وقفة خاصة لشعراء الوطن
وقفه للشاعر تركي بن حميد
ترك عشير عشرته يوم او دون ثم يبدل بك عشير وينساك شف لك قطامي على السد مامون درع القفا ما ينهض الراس لحذاك اللي الى اوحى الناس فيكم يهرجون حامي على عرضك ويدمح خطياك |
رد: وقفة خاصة لشعراء الوطن
وقفه للشاعر محمد عبدالله القاضي
تكلفك بامر ما يخصك جهالة وتبعدك عما كان يلزمك له قافي ولا تصافي كود حيد صميدع غيور على الصاحب نصوح وميلافي ولا تلوم النفس في جاري القضا مالك عن المقسوم يالعبد مكافي يا شرهل المعروف منك بتواضع وهل الشر باشرهم بشر وتستافي |
رد: وقفة خاصة لشعراء الوطن
عزاه ياقلبٍ من أعوام ماطاب
إليّا طرى بخاطري شوق صايل ياليتني ما بين ربعه والاحباب أسمع سوالف صايلٍ دون حايل إليّا سوالف صايلٍ بريح الاطياب زادأشتياقي كشوق الصحاري لصايل عبدالرحمن الزبن |
رد: وقفة خاصة لشعراء الوطن
وقفه للشاعر الأمير خالد الفيصل
مـــــــا بقــــــــى بالعمـــــر إلاّ ضحى شَمـسْ فديـــت بـــه ديــــــــــني وداري واهَلْــــــــــــها ما قــــــد ذَخَـــــــــــــــرت اليوم عنها ولا أَمــسْ هي عشـقـــة افكــــاري وغايـــــــــــة أمـَلــــــها أَجْهَرْ بهــــــــــــــا مانيــــــــــــبْ انا اقولها هَمسْ عـــــــــــادات أبوي وجـــــــــــــدّي اللي صقَلْـهــا حنّــــــــــا هَــــــــــلَ التوحيـــد اذا غيرنـا هَــــــسْ وحنـــــــا هَلَ التطـــــــــــوير صَقْــــــــــر وجمَلْها نــبني عــلى مبـــنى السّلَــف عـــــــزّة الــنّفْس ونفاخر الــعــالـم بنـــــــــادر مثَلْــــــــــــــــــــها ونسابـــــق الأيـــــــــــــام ونوَرّد الخَمـــــــــــــس ونكســـــــــــر مخالــــــــــــــــب من يدوّر شكَلـْها ومن لامسَــــــــتْ اصابعـــــــــه حـدّنـا لَـــمْس نقطــــــع يدينـــــــــــــــه مــادرى وش فصَلْــها ومــا دام سلمان الحــزم لقّن الـــــــــــــدّرْس ما همّنـــــــا غــــادي الحيـــــــاة وهَمَلْـــــــها |
رد: وقفة خاصة لشعراء الوطن
وقفه لقصيدة الشاعر خلف بن هذال
جعل السحاب اللي معه برق ورعود يمطر على دارٍ وليفي سكنها يسقي وطن منتوقة العنق يا سعود مالي وطن بالعارض إلا وطنها قلبي غدا واستسيره لين العود محدن يفك القلب يا سعود منها ساطي وفي كفه قديمي وبارود ودخل يده بين الضلوع ودفنها بيني وبينه وصل وأسرار وعهود مصيونة ما تدري الناس عنها في كل عام يزود حبه بعد زود اقفى بروحي والتوا في رسنها أموت بين الخد وعيون السود وحواجب ربي بملحة قرنها وشعرٍ بدهن العود والمسك منظور جديلةٍ تضمني واحتضنها ليلٍ جمعنيبه عسى ليت ويعود يبعد عن النفس الحزينه حزنها |
رد: وقفة خاصة لشعراء الوطن
وقفه لقصيدة خلف بن هذال
أنا والليل خلان و رفاقة أخذته عشق وأخذني عشاقه أوضح له ضناي ما بروحي ويفتحلي على الغياض طاقة ألا ياليل وش عندك وعندي يقول من تكدرله مذاقه عيونه من غرام الشوق تهمل عبايرها على ذيك الدقاقة وأنا بنهاية التسعين هجري إلي خل عجزت أقوى فراقه مضى عام وثمان سنين كني كسير عيب الجبار ساقه يفزع بصياحه هجوع ناس لهم بالنوم والراحة علاقة ألا ياليل يعرضك وطولك أنا وياك لا عاد الصداقة |
رد: وقفة خاصة لشعراء الوطن
مساحة جميلة وتصفحها لا يُمل .. شكرا اخي الصامت
يقول سعد بن جدلان .. أثر الزمن دوار وأيامنا طيش ومواجه الأيام يحتاج صمله الطير ياكل نملة الأرض ويعيش وإن مات.. ترجع تاكل الطير نمله |
رد: وقفة خاصة لشعراء الوطن
وقفه للشاعر خلف بن هذال
جريت صوتي تالي الليل جره والناس هجعا وأرفع الصوت بأبيات ولقيت في سود الليالي مضره كم كلمة ولّت وراحت ولا جات النوم يعرض للعيون وتمره مر الكرام اللي خطاهم سريعات تلبس حرير وبنت الاحرار حره عمهوجة تغدي لها النفس توقات دنيا تزيّن للغرير وتغرّه بين الليال وبين الأيام غرات غارة زمان ويكفي الله شره أدري الهوى والنفس وإبليس ما مات احذر عدوك دبه العمر مره واخذ الحذر من صاحبك عشر مرات |
رد: وقفة خاصة لشعراء الوطن
وقفة قصيدة ناصر الفراعنة
نـاقــتــي يـانـاقـتــي لاربـــــاع ولاســـديـــس وصليـنـي لابـتـي مــن وراء هــاك الطـعـوس حائـلاً رابـع سنـه مـن خـيـار العـيـس عـيـس خـفـهـا لادرهـمــت كـنــه بـالـنـار مـحـسـوس فـي دجـى خالـي خــلا لاحسـيـس ولانسـيـس تدوخـك مـن شــدة الـبـرد طقطـقـة الـظـروس فـي عيونـي يكـفـخ الطـيـر ويطـيـح الفـريـس وانتهـض جسـاس مـن دون خالتـه البسـوس وفـي خفوقـي فـرخ جنيةٍ يـضـرس ضـريـس يــوم اوردهــا هـجـوس واصـدرهـا هـجــوس ديرتـي دار ابـن ضـاري وابـن غثلـم جـريـس ديـرة اللـي دوجـوا فــي فيـافـي نـجـد جــوس ديـرتــي يـابـنـت شـيـخـاً ومعـدنـهـا نـفـيــس عيطـمـوسـاً دونــهــا دثـرتـنــي عـيـطـمـوس جـادلاً مطـرق جسـدهـا مــع الغـربـي يمـيـس طينـتـاً مــن تـربـة الخـلـد والـــدم مـحـمـوس نقشت خمساً مـن الخمـس فـي يـوم الخميـس لـيــت شـعــري مـــا ارادت بـهــذا دخـتـنـوس كـــم تـمـنـا إن مـعــه مثـلـهـا فـتـنـه بـلـيــس كـان يمكـن قـد قـلـب نـصـف إمتـنـا مـجـوس كـن دمـاث الـصـدر منـهـا كنيـسـه او كنـيـس صومـعـة رهـبـان ديـــراً يـــؤدون الـطـقـوس آتـقــوس مـــع تـقــوس نـواهـدهــا وإقــيــس قبتـيـن قــاب قوسـيـن قـوسـاً جـنــب قـــوس خصـرهـا يحـكـي لـنـا واقــع الـقـوم التعـيـس وردفهـا عـن غطرسـة بـوش يعطيـنـا دروس وبالـرغـم مــن قصـرهـا مايجالسـهـا جلـيـس تصبح أطول نسوة الارض في وضع الجلوس العروسـه ماتـبـي غـيـر ابــو تـركـي عـريـس العـروسـه نـجـد ماهـيـب حـــي الله عـــروس نجـد بـنـت المـجـد ونـسـة مونـسـة الونـيـس ماعسفهـا الا معـزي ضحـى الـيـوم العـبـوس كل اهـل نجـد هلـي مـن إجـاء حتـى الخميـس فـي ذراهـم بالتـجـي عــن مجفـفـة الـرسـوس وعيشتـي مابيـن أسـوداً ولــو مـانـي رئـيـس (خير مـن كونـي رئيسـاً علـى شلقـة تيـوس) وليـس عيبـاً إن خدعنـي بمـكـره كــل هـيـس لان مايفـهـم بـمـكـر الـهـيـوس الا الـهـيـوس مصطـفـى فــي مـأدبـة عـمـه الـبـابـا لـويــس كـبـر اللقـمـه تـحـت ضــؤ حـمـراء الـكـؤوس وطسـم حدتهـا علـى حـائـط المبـكـى جـديـس يــوم شـقـت ثوبـهـا بـنــت عـفــار شـمــوس سـيـدة هــاك الـقـصـر أسـمـهـا الاول لـمـيـس دونـهـا سـمـر الحنـاجـر بتـرهـا حــد مـــوس قـسـقـسـة لاحرارهم.قيس.قيس.قـيـس.قـيـس والبستـهـم مــن مهانـتـهـم انـــواع الـلـبـوس بـيـن خـدعـة كـعـب اخـيـلاً ومـولـد ادونـيـس درسـونــا الالــهــه والــمــدرس هــنــا روس ويش لاقوا من قنـاة السويـس اهـل السويـس وويش لاقوا مـن تلمسـان قومـاً مـن سنـوس كلـهـم مــن شــدة الـجـوع راحــوا خنـدريـس بيـن غيبوبـة مخـدر وصحـوة عــرق ســوس ثـــورة راحـــوا سبـبـهـا بـتــوع الاتـوبـيــس وش نـبـي فيـهـا وهــي ماتـهـز الا الـغـروس آفـة المـرء اثنتـان الـف كــاس وحــب كـيـس والنفـوس اليـا بغـيـت اتعرفـهـا ارم الفـلـوس ينكشف زيف الشعـارات الـى حمـي الوطيـس ترجـع الاذنـاب إذنـاب وتبقـى الــروس روس صـدق لاقـال العـرب مايحـوص الا الخسـيـس ولايـوط الـروس شئيـاً مثـل ضعـف النـفـوس |
رد: وقفة خاصة لشعراء الوطن
وقفه مع قصيدة الشاعر مشعل الحارثي
نظم الشاعر السعودي المقدم مشعل بن محماس الحارثي، قصيدة جديدة عن موقف السعودية مع مواطنيها والمقيمين على أراضيها في ظل جائحة فيروس كورونا. تبي تزول الجايحة يا وطنّا بأمر الولي والشر مبعد ومنزاح حبك سكنّا لا تحسبك سكنّا عساك طيب يا وطنّا ومرتاح صكّت على البلدان منّا ومنّا جرثومةٍ ما هي بمخلاب وجناح ولا هي بسيف ولا برمح مطنّا خلت صروح العالم الأول أشباح وما دام بالله العوين استعنّا أبشر بنصره يا وطنّا والأرباح حنّا صليب الرأس والرأي منّا خلت صروح العالم الأول أشباح وما دام بالله العوين استعنّا أبشر بنصره يا وطنّا والأرباح حنّا صليب الرأس والرأي منّا وإلنا على كوكب هل الأرض مصباح من لامنا في دارنا ما شحنّا دار الملوك مروية علط الأرماح اللي بهم جزل القصيد ايتغنّا هم والله اللي يستحقون الامداح امدح مليك العُرب زبن المجنّا أبو فهد سلمان في ليل وإصباح ما قول والله ما تخليت عنّا والله ما خليت في دارك جراح ولاّ العدو اللي يبي يمتحنّا تنوخه برجال وأموال وسلاح |
رد: وقفة خاصة لشعراء الوطن
الراحل عبدالله بن شايق
(يقولون تسلى في حياتك ليا غنيت ** وأقول السعادة في صفوف المصليني وأنا في رجا الله وأطلبه كل ما صليت ** عن الناس واللي من ورا الناس يغنيني) |
رد: وقفة خاصة لشعراء الوطن
موضوع راقي كارقيكم
|
رد: وقفة خاصة لشعراء الوطن
وقفة مق قصيدة الشاعر رشيد الزلامي رحمه الله
الله على اللي شوحته تقطع الدار يوصل غريب الدار ديرة ربوعه أبيه والله مير مغلين الأسعار والبنك ما ادله ولا أعرف فروعه وذي حالة الدنيا لها أدوار وأدوار يومن تواصلنا ويومن قطوعه وكل البشر فيهم فقارا وتجار ونفوس تتحمل والأخرى جزوعه وحتى بنوك النقد تعجز وتنهار ما هوب أنا عجزي بعاد رموعه بس المهم ودون توضيح الأسرار وضعي ووضع الجيب شكله ونوعه شريت لي جيب عسى أبوه للنار بانت عذاريبه من أول أسبوعه مزعج مع الصحراء ومزعج مع القار ومن يركبه لازم يسكر سموعه مثل الشبح ما ينقصه غير طيار شكله وتصميمه وممشاه روعه من خف دمه ما بقى فيه مسمار ولا يركبون عيال الأنذال نوعه ما يركبون إلا سفاري وفكسار آخر زمان جعل بقعا تصوعه خلا رجال المرجلة مالهم كار الذيخ لو يبكي مسحنا دموعه الذيخ يشبع فالفضايل والأسوار والذيب ما يدرى بفقره وجوعه . |
| الساعة الآن 08:29 PM
|
Powered by vBulletin® Version 3.8.11
Copyright ©2000 - 2024, vBulletin Solutions Inc.
new notificatio by 9adq_ala7sas
استضافه ودعم وتطوير وحمايه من استضافة تعاون