منتديات قبائل ال تليد - مزحات عَ الواتسبيين والواتسبيات

منتديات قبائل ال تليد (https://www.al-taleed.com/vb/index.php)

- - مدينة الألعاب والترفيه (https://www.al-taleed.com/vb/forumdisplay.php?f=82)

- - مزحات عَ الواتسبيين والواتسبيات (https://www.al-taleed.com/vb/showthread.php?t=20933)

مزحات عَ الواتسبيين والواتسبيات

~

مزحات ورزحات

............ إلى .........

الواتسآبين والواتسآبات

 احلى شي إذا كنت من اللي يشتغلون على الواتس على الشبكة (يعني على الواي فاي) وماهو على الرصيد او الفاتوره ثم طولت مررره مافتحت الواتس ويوم فتحته جتك الرسايل تطربق طربقه وتمشي مليووووون ويفز لها قليبك ذيك الفزه اللي ما احلى منها فزه

 الحين يومنك تشوف الواتس يقول لك (جاري الكتابة) يعني ان خويك اللي تراسله جالس يرد عليك او يعلق على رسالتك ثم تروح تستعبط وتقعد تقاطعه وتسابقه على الارسال قل ليش بس هالعباطه ابغى اعرف👺

من آداب الواتس انك تنتظر خويك لين ينتهي من رده او تعليقه على رسالتك اذا شفت كلمة (جاري الكتابة) والا قل لي وش فايدة هالكلمه اجل؟؟؟؟!!!!!!

  ياسلام على الناس الحية.. ياحيهم والله.. الحي يحييك والميت يزيدك غبن.. اللي تشوفهم في الواتس بين وقت ووقت يغيرون صورة العرض حقتهم ويغيرون حالتهم (اقصد التوبيك).. تستمتع والله وانت تشوف صورهم المختلفه اللي ممكن يعجبك منها شي وتصوره وتحتفظ فيه بجوالك وتستفيد منه ونفس الشي الحالات المختلفه اللي يكتبها (التوبيكات)

اما اللي جامدين اجمد من القطب المتجمد❄ صورة العرض حقتهم بالواتس ملت من نفسها😑😬 واظن لو فكروا يغيرونها بيشوفونها قد نشبت نشب في مربع صورة العرض وماهي راضيه تتغير.. تحجرت فيه اعوذ بالله تقول اعتقني الله يرحم والديك😵

 وسلامتكم 

~