|
داخل كل بيت مفرزنات
🍀•• آلسَـِْ♡̨̐ـِْلامَ علـِْ♡̨̐ـِْيگمَ •• 🍀
كيفكم شخباركم اعتذر لانقطاعي بسبب ظروف لا اعلم متى تنتهي. لكن. فالبدايه حبيت أتكلم عن موضوع مهم وهو منتشر حاليا وهو المفرزنات هههههههههههههههههههههه نعم يا قوم المفرزنات. وصلت بعض البنات أنها تفرزن اللقيمات ههههههههه لا لا احنا ما نقول لا تفرزونه بس الدعوه يعني عدم تبذير بمثل الي شفنا ثلاجات مليانه متروسه مفرزنات وكان شهر الطاعه اصبح فقط شهر للطعام فرزني لكن بذوق كميات قليله ع فكره ٱنـْا من حزب الفرزنه هههههههههههههههههههههه ع أساس محد يتقول وش عندها كل يوم طازج بالفعل احنا نسوي يا بنات مفرزنات رقائق بكميات قليله وإذا في يوم يحتاج عجين كانت بيومها طازجه يعني تنويع بالطعام اللهم لك الحمد لكن الي لفت انتباهي بعض البنات مشترين فريزر خاص المفرزنات حق سنه قدام رأيكم صبايا بهذا الموضوع المفرزنات منقذه صراحه للبعض خصوصا إذا كانت الام موظفه أو تعبانه هل كل يوم بيكون طبخك مفرزن وإلا فرش سمبوسه مفرزنه كشنه مفرزنه خضروات مفرزنه وش بعد رأيكم هل تحبين كل يوم بيومه وإلا مفرزنات بشكل بسيط وتنويع بالطعام الطازج كل يوم بيومه مع العلم ٱنـِْ♡̨̐ـِْا مع فرزنه الطمانمطم لأنها سريع تفسد وبالفريزر م تخرب م لاحضت تغير بالطعم لأني ما أضيف عليها شي وشرايكم بنات هل فيه فرق بين الطازج والمفرزن. ورأيك ايضا يا ادم هل تجد ان المفرزن طعمه مختلف والآ اهم شي ما يملى المعده. وبس والله وشكرا واعتذر على الاطاله |
رد: داخل كل بيت مفرزنات
اهلا روند
اهلا بالهمه والنشاط اهلا بعودتك المميزه جد افتقدتك وكان مكانك خالي وهذه روند اللي نعرفها🤍 نجي لطرح ودي اكسر رراس كل واحده تفرزن لمده اسبوعين ..مو شهر أنا مو من حزب افرزن واخزن بصراحه مااحب . مايعجبني طعم شي دخل الفريزر يختلف طعمه مره وطعم الفرزنه واضح مره . يجي طعمها لحم أنا اسوي كل يوم بيومه صراحه كل شي . الي يزيد من الاكل ارفعه لثلاجه تبريد عاالي لليوم اللي بعده فقط . السمبوسه اسوي حق يومين او ثلاثه بس واحطها في برطمان افرق بينها بورق زبده او دقيق عشان لاتلصق واحطها تبريد عالي »»» ثاني شي مااحب اطلع شي من الثلاجه واجلس استني حتى يسيح الوقت الي انتظر فيه لمن يسيح اسوي جديد بسرعه يكفي ننتظر الدجاج واللحم لمن يفك كمان السمبوسه اوالاكل هههههه مافرزن شي حتى الطماطم اشتري حق اسبوع او اقل وع قد الطبخ وتخلص وأخذ طازج وكذا مع كل شي حاولت افرزن ماقدرت صراحه »»»» افتحي التيك توك والسناب كل الناس تفرزن خير هههه ادخلي مطبخك من الساعه اربعه تكفي وتوفي وتزيد الين المغرب .. وسوي حلاك من الليل أو الفجر روند »»»» شفت فرزنه غريبه أمس مت ههههههع ياليت طماطم او سمبوسه أو عجين اوحتى لقيمات ههع قسم تفرزن بخور اوووفر كذا هههههههههه تبخر الاكياس الشفافه وتعبيها الين تمتلئ وتقول فرزنوا البخور كذا عشان تبخرون المغرب ههههههههع وتجيب عود اسنان»»الخله بعض الناس تسميها وتنسم الكيس ويطلع بخور صدق ههههههع أنا هنا جابت لي صدمة حياتي هههههههه ناس تفرزن حتى البخور🥴 كان ودي ادخل لذي اللي تنشر واصكها ع رأسها ي كسوله فحمه سريعة الاشتعال ماتاخذ دقيقه وبخور يعطيك العافيه روند طرح بالصميم ههه لاعدمناك ختم واضافه وتقييم ... |
رد: داخل كل بيت مفرزنات
التثليج والتجميد يفقد
الطعام نصف فوائده وبالنسبه للسمك المجمد طويلا فهو يفقد كل فوائده تقريبا "تعبئة بطن فقط " لكن ان كان في حالة اضطرار لاشك انه افضل من لاشيء ... حلاوة وفوائد الطعام هو ان يكون طازج .. سواء لحوم أو خضار او منتجات القمح المعموله كالخبز والفطائر .... لست خبير لكن هذا رأيي في السمك واللحم والخبز والمعجنات ... الفائدة في الطازج الطبيعي في وقته .. ، ، وشكرا لك |
رد: داخل كل بيت مفرزنات
اهلاً بروند منووره
وان شاء الله ضروفك تتيسر من احسن إلى أحسن يارب أنا صراحة ضد الفرزنه وبصراحه من السنه الافاتت عشان بنتي هي إلا تتعبي معي فا شافتها أريح لها وفقط السبوسه غير كذا ما نحب نفرز شي وكمان حق يومين ثلاث عن نفسي افضل الطازه احلا واطعم يعطيك العافية روند |
رد: داخل كل بيت مفرزنات
ياهلا بروند ،،
وحشتينا والشوق لك مالينا .. الفرزنة هذي في كل سنة تصير ترند ….. انا افرزن لكن بكمية بسيطة جدا لوقت زنقة لكن للامانة مافي مثل الشغل اول بأول من جميع النواحي … |
رد: داخل كل بيت مفرزنات
بصراحه لاأعرف شيئ عن الفرزنه ومدى نفعها او ضررها..
ولكن كل شي طبيعي افضل.. كل الشكر لك ياروووند |
رد: داخل كل بيت مفرزنات
صباح الخير و الطلات الحلوه
ارحبـي رورو اشتقنالك 🩶 ياخي الفرزنه عبط الحين طلعت موضه كل ما قرب رمضان مسخوها البنات يعني و يش تفرزني اعوذ بالله تفرزن لك لقيمات و فطاير و بيتزا لشهر قدام أنا من انولدت ما نفرزن غير الطماطم و الدجاج المطبوخ و نادراً إذا كان بكميه كبيره الحين لأني مداومه و ارجع متأخر البيت فرزنت دجاج مطبوخ لأنه يأخذ وقت في الطبخ و الكشنه ترند العبط 😂😂😂 أنا صراحة إذا جيتي تفتحي ثلاجتي مفرزنة كريمة تشيز كيك و مانجو و رمان عشان الأيسكريم و الحلويات |
رد: داخل كل بيت مفرزنات
اقتباس:
من كثر ما انه موضوع الفرزنه مسخرة صاير في وحده سعوديه راحت لفت فلوس خمسينات و ميات و عطتهم بقوالب الثلج وصبت عليهم ماي جلطتني ارتفع ضغطي منها رايحة أدور المقطع :a078: |
رد: داخل كل بيت مفرزنات
اقتباس:
احنا تعودنا ع اللي ربونا عليه اهالينا الصدق ماعلمونا الفرزنه الحين الأغلب هنا رافض الفرزنه خاصه عندنا الرجال فيهم طبع أنهم ماياكلون الشي المفرزن وبعضهم حتى البايت يرفصونه اجل هذه الفرزنه موضه الأقل ولا اكثر يسوون صجه في بالمقاطع عشان دخول الشهر الفرزنه يبي لها وقت عشان تسيح الوقت اللي انتظره تسيح اعمل شي جديد افضل ويطلع الطعم افضل .. |
رد: داخل كل بيت مفرزنات
اقتباس:
تخبيها بالدولاب بدل الفرزنه ايش بيجرا لها هههه هذا اكبر دليل ع انهم واخذين الفرزنه تقليد وهبه وموضه ومع الخيل يا شقرا .. هاتي المقطع لحد الان مو مستوعبه مقطع البخور هههههه احمد الفارس يقولي هذا ذكاء فرزنة البخور عشان لايكتم قبل الفطور هههههه معجب بفرزنة البخور ههههههع |
رد: داخل كل بيت مفرزنات
مساء الخير
تقبل الله منا ومنكم صالح الاعمال منوورة روند الفرززنه وماادراك ماالفرزنه وصلت لكل شيء حتى انا يالسفيرة شفتها تفرزن بخور وقهوة طبعا كلها عشان المشاهدات والامستحيل بخور يتفرزن يوم مو شهر المهم انا من النوع اللي مااحب الاكل البايت او المفرزن ابدا حتى زوجي نفس الشيء ولكن بحكم العمل قبل رمضان بكم يوم فرزنت سمبوسة بانواعها لمدة اسبوع فقط وحطيتها بلاستك وبجهاز تفريغ الهوى كلو عشان ماتاخذ طعم غريب والحمدلله كانها طااازة .. وعلى وشك الانتهاء وببداء كل يوم بيومه او يومين دام فيه عاملات يشتغلو بدل الجلسة .. تنويه الان بدخل افرزن بخور ومويه وعصيرات وكاساتها والقهوة بثلاجتها وتوابعها واصورها تنتشر تابعوني .. عادي تغيير الاراء ... يعطيكم العافية جميعا |
رد: داخل كل بيت مفرزنات
اقتباس:
ارحبي شوفي هم بعضهم للامانه طالبين كميات كبيره مو بس بنات وحريم حتى فيه مشاهير بدون ذكر اسماء معلنين لبنات ومأخذين منهم كميات هائله مفرزنات سمبوسه فطاير سبرنج اجبان يعني من كل نوع 10 علب هههههههههههههه انا واعوذبالله من كلمة انا آشوف ان بعض البنات ممكن يستفيدون يرتاحون بس م بتكون مثل طعم الشي الطازج. صح مرتاحه بس الطعم فريزر بس جربت شي للامانه برمضان هذا. واحس مره ارتحت عليها ومافي فرق بينها وبين الطازج. اهم شي يكون الليله الي قبل هو الساعه تقريبا 12 اسوي لحم مفروم وحشوة سمبوسه اجبان حقة اليوم الثاني. الاجبان احشيها واللحم أحشيه في رقائق. وبعدين في كيس بلاستيك وعلى الفريزر اطلعها اليوم الثاني الظهر تذوب ع اساس ادخلها الفرن مع رشه بخاخ زيتون ويا سلام. الطعم خيال ولا الذ. يعني لقيت فيها راحه. يعني وفضيت اقرا قران والبيت والخ خف علي حتى شغل المطبخ والمواعين. وزيكذيا مو كل يوم للامانه. ايام اكون موقع اسويها أما إذا كانت عجين ففي نفس اليوم بس اجهز الشوربه مكرونه سلطة حلى كرامل يعني صار اشغل اهون. وبس والله. نورتي ياعسل :goldy2: :marsa560: |
رد: داخل كل بيت مفرزنات
اقتباس:
♥<3 هــلــا وًَ غـــلـا <3♥ بك حبيبتي صدقتي بس بعضهم موظفات وعندهم ظروف ممكن مضطرين ياخذون صح الطعم مختلف بس ع حسب ظروفهم شوفي بالنسبه الطماطم انا افرزنها لحالها بعد ما افرمها لوحدها بدون اضافات وهذي الطريقه اخذتها من مصريه دايم تقول انها تحفظ الطماطم من الفساد الي ياخذون كميات كبيره. ويجيهم من مزارع وكذا. والفرزنه مثل ما قلت لميساء احس من الليله الي قبل اريح حقة اليوم الثاني وهكذا منها تروقين وتعرفين وش تسوين بالفطور العصر يجي افكار يعني مرتبه ههههههههههههههههههههه نورتي ياعسل مرحبا الف. |
رد: داخل كل بيت مفرزنات
اقتباس:
صح بس بعض اللحوم والأسماك تحتاج تفريز دايم. اما الخبز والمعجنات حاله اخرى. بعضها يضعون فيها مواد حافظه صاروا الان يجمدون البرياني والارزاز وهي جاهزه للاكل ولكن مليانه مواد حافظه تمنعها من التعفن بس طلعها وعلى المكرويف ٱنـِْ♡̨̐ـِْا ضد هذي الاطعمه مهما كانت الشركه. لان مفي مثل الشي في وقته خصوصا ارزاز مكرونه وفيها لحم ودجاج واجبان شكرا لمرورك. |
رد: داخل كل بيت مفرزنات
اقتباس:
|
| الساعة الآن 09:42 PM
|
Powered by vBulletin® Version 3.8.11
Copyright ©2000 - 2024, vBulletin Solutions Inc.
new notificatio by 9adq_ala7sas
استضافه ودعم وتطوير وحمايه من استضافة تعاون