منتديات قبائل ال تليد - مانبي نشر الغسيل ..

يــاوسيــع الفــكـــر مــانبــي دليــل
الادلــه عــنــدنــا يــاابــو جـــمـــال

اظـــهــرت عين الغليل غــل الغليــل
من ضميره مــن شرابيك الحبـــال

واللــه انـا مـــانبي نـشـر الغسيــل
ولا مــبـــادل المــهـبـــل بالــهــبـــال

الـهـبـيـل لا بــد يـلـقـى لــه هـبـيــل
ومـعـه او ضده يجـول في اي مجال

شـجـٓرة الـشـيحــه ماتـطاول النخيل
والـخـيــول ما تـتـلـي قـطـيـع البغال

ومـن ارجـولــه عــوج وظــهــره هزٓيل
هـقــوتـي ماشٓـال ولا يـشـيـٓل الثقال

مـانـعـيــل ونــدحــم عنــا مـن يعيـل
ونـغـتـال غـيّــه اذا غــيّــــه استطال

وكل وادي لـه مـصــب وله مـسـيـل
وله منابــع مـن هـضاب ومـن جـبـال

يـانديمي يــارفـــيــقـــي يــازميــل
قبلنــا قــالــوا حكيـمــيــن الـرجــال

مااروى العطشان مشقــوق الصميل
ولا شبع جايع مــن اسيـٓر الريـــال

مـاعلينا مــن كــثـيــر ومــن قــليــل
ولا اهتميـنـا لـلــقــصـــار ولـلــطـــوال

مـــن بـــدلنـا نـلـقــى بـدالـــه بديل
وللخوي نـكـون مــشــراقـــه وظــلال

ولا لـــدينــا لمـدة ايــــديـــن البـخـيــل
لـو هـو اخٓـــو او مـن اعــمــام وخـوال

بــحمـد ربـٓـي مـاناقـصــنا قــل كيـــل
رزقــنــا وافـــــر ومـــن حــــٓر الــحــلال

كــــل نــزيــلٍ آخـــر مــالــه للــرحيــل
ولا فــيـــه حـــيٍ الاّ عــمــره للــــزوال

خـلهـــا تـسـيــٓر وتـخـــتـــار الـسـبـيــل
ان راحــت يميـــن وان راحــت شـمـال

عــلــى كـــل الــنــاس ربــك الـــوكــيــل
مـــاتـــبــي نــقــاش ولا تــبــي جـــدال

والفضــيلـــه شيـمـة الــرجــل الفــضيـل
والنقــايــص طــبـع مــذمــوم الخــصــال

الــكــمـــال لله وغـــيــره مــســتــحــيـــل
وكـــذب مـــن يـــقــول وصـــل للـكــمـــال

ابوفهد

....................