منتديات قبائل ال تليد - غمض عيونك وعيب تُبيّن احداقها

منتديات قبائل ال تليد (https://www.al-taleed.com/vb/index.php)

- (( عَلَى كَتِفِ الصَمْتِ يَهْذِي قَلَمِي)) (https://www.al-taleed.com/vb/forumdisplay.php?f=115)

- - غمض عيونك وعيب تُبيّن احداقها (https://www.al-taleed.com/vb/showthread.php?t=40868)

غمض عيونك وعيب تُبيّن احداقها

الناس ماهُـم مرايا ياقليـل العزوم
تشوف صورتك وتشخص على افاقها

لاتتعب الروح في ظُلم ألبشر ياظلوم
وحذراك تدخـل نواياها ولا اعماقها

ترى التجسس ومدّ الشوف ماله لزوم
غمض عيونك وعيب تُبيّن احداقها

أشغلت نفسك ورى العالم تلف وتحوم
ماأنته مكلف تحاسبها على ارزاقها

تضحك لنا وانت في الواقع ألدّ الخصوم
ترى البشر من سواتك ضاقت أخلاقها

ماعـاد تمشي عليـنا لعبتـك كـل يوم
مكشوف يابايـع ألبيضه وسلاّقها

عقلي دليلي وأميز في الردي والقروم
وعرفت في الناس كاذبها وصدّاقها

وانا تراني ماصاحبت النذل والرخوم
وبعض الاذواق ماتُعجبنـي أذواقها

وانا مع القوم قسمي من خيار ألقسوم
وابقى مع أهل الوفاء ماخنت ميثاقها

أشوم وارفـع مقامـي عن كثير ألعلـوم
والسلعة إللي رخيصة ماأهبط أسواقها

واهل الحسد والنمايم مكثرين التهوم
يالله طلبتك تبشـرنـي على افراقـها

أبو/ خالد