اهداء لمن سكنت قلبي
وشلون ابنساك ؟ وانت اللي على بالي
عشره مع الغير نار وعشرتـك جنـه انـا تمنيتـك وجيتـك علـى فـالـي ومافيه غيرك ضلـوع القلـب حبنـه وماكل شخص ٍ دخل بالقلب لي غالـي في فرق واضح مابين الفرض والسنـه أحد ٍ لياشفـت زولـه ينشـرح بالـي و أحد ٍ تضيق العيون اللـي يشوفنـه و أحد ٍ إذا غاب عني , ضاقت احوالي و أحد ٍ اذا غاب , قلبي مـادرى عنـه و أحد ٍ ليامن عطـا يعطيـك بالحالـي و أحد ٍ ليامن عطى يعطيـك بالمنـه ! و أحد ٍ يخفّي المرار ويبـدي الحالـي و احد ٍ يسم البدن لـو تستمـع منـه من قبل اعرفك خفوقي بالهوى خالـي وانت الوحيد اللـذي عيونـي تحالنـه في لحضة الشوق , لا واعي و لا سالي وانـا معـك بيـن يمكـنـه ولكـنـه وعيني بعينك واشوف انواع واشكالـي مـن خاطـر ٍ منشغـل وعلـوم يذنـه وسمعت وش ضايقك ياسمح الأقبالـي وبيّحت من خاطرك كـل علـم ٍ تكنـه إن كنت خايف من الهجـران يالغالـي؟ إسمع كلام اللـذي ظنـك علـى ظنـه وشلون ابنساك ياللي شاغـل ٍ بالـي ؟ تبيني أنساك ؟ حلـم ابليـس بالجنـه |
رد: اهداء لمن سكنت قلبي
صح لسانك اخي الكريم قصيدة رائعه يعطيك العافية |
رد: اهداء لمن سكنت قلبي
كلمات رائعه
يعطيك العافيه اخوي على الطرح والحضورالجميل تحياتي |
الساعة الآن 02:42 AM
|
Powered by vBulletin® Version 3.8.11
Copyright ©2000 - 2024, vBulletin Solutions Inc.
new notificatio by 9adq_ala7sas
استضافه ودعم وتطوير وحمايه من استضافة تعاون