منتديات قبائل ال تليد - والحين يالله لاتغلى ولا ابيك = لابوك لابو من ترجا حنانك

منتديات قبائل ال تليد (https://www.al-taleed.com/vb/index.php)

- - "تحليقات في فضاءات همس القصيد" (https://www.al-taleed.com/vb/forumdisplay.php?f=10)

والحين يالله لاتغلى ولا ابيك = لابوك لابو من ترجا حنانك

ياللي عطيتك كل ماملك وشاريك = وانته تعرف انه بقلبي مكانك

لاتقعد تزود عليه تغليك = لابوك لابومن ترجا حنانك

لابوزمانن فيه قلت اني اغليك = كله سبايب زلة(ن) من لسانك

ارحل عقب ماصار يازين ناسيك = ارحل فمان الله واغنم زمانك

ماعاد ابي شوفك ولا اسمع بطاريك = خلاص عفتك روح وانته وشانك

عقب امتحنتك روح ماعاد يمديك = الظاهر انك راسب(ن) في امتحانك

ياكثر ماشفتك وياكثر مااجيك = ابيك تشعربي ويشعر كيانك

لكن حسافه روحت ذي مع ذيك = وطنشت قلبي يوم حبك وصانك

ان كان في قلبك عشيق(ن) مهاويك = الله يهنيكم وتسمع بذانك

قبل امس تنخاني وتشكي بلاويك = واليوم خنت القلب والحظ خانك

ياما تحملت القسا لاجل اراضيك = وياما رضيت الذل كله عشانك

والحين يالله لاتغلى ولا ابيك = لابوك لابو من ترجا حنانك