أنا وسيارتي ..
 

https://l.top4top.io/p_17595a8400.jpeg

اخي اختي اعضاء منتديات ال تليد
اسعد الله اوقاتكم بالمسرات

عندي لكم فعالية خفيفة ومسلية تتحدث عن علاقتك
بسيارتك ؛)

وللامانه الفكرة مقتبسة مع بعض التعديلات

احب ابهر واهيل علشان تضبط السالفة ويمشي الحال 😆

أكيد كل واحد فيكم عنده مغامرات وأتوقع كلكم
تقريبا جربتوآ تسوقون السياره تحت السن القانوني .

يعني الحين ودنا نضحك بإجاباتكم بس الله يستر من
الحوادث 😅


بسم الله نبدأ

س1 / كم كآن عمرك اول مره سقت السياره؟

س 2/ كم مره سرقت السياره ؟ وكم مره انكشفت وانجلدت ؟

س3/ كيف كان شعورك اول مره سقت السياره ؟
وكم سيارة بالخط خبطت فيها 🤩

س4/ اذا طلعت مشوار تحب تكون لحالك آو ضروري الشله تكون معك ؟

س5/ ليه اول ماتبدا تسوق اى مشوار تكون نشيط وتركب السياره قبل اهلك وبعد فتره
يكبر رآسك؟

س6/ مآهو نوع اول سياره سقتها ؟

س7 / مآهو نوع سيارتك الان ومـآهو لونها ؟

س8/ هل يهمك لون السياره وموديلها وماركتها


س9 / بعض الشباب مايحب يركب السياره الا اذا سمع كل اللى بالشارع صوت مسجله هل انت منهم ؟


س10/ وين كان اول مشوآر لك؟

س11 / كم مره سويت حادث / بعد الشر عنكم

س12/ اطرف وأسوأ موقف مر بك وانت بالخط

س 13/اطول سفره لك بالسيارة ( كم كيلو )

س14/للشباب/ هل انت ضد او مع سواقة المرأة


وآخيرآ / بكل صراحة كم مخالفة ارتكبت الى الان وهل سددتها ام لا ؟


بما أنه سُمح لنا بالسواقة ، فالموضوع مشترك
للشباب والصبايا ..

فخليكم جاهزين وبستلمكم بالدور ..


اول ضيف هو الاخ الفاضل أمير الذوق

يارب مايطول علينا ..

https://l.top4top.io/p_17595a8400.jpeg

رد: أنا وسيارتي ..
 

ندى اليوم زااحفه
وناويه طفحتي ههههه
الحمدلله مو لنا الاسئله
لان ولا سؤال قدرت اجااوب عليه
فعاليه حلوه وطعمه
ونشوف مهارات الشباب
موفقين يارب
ويعطيك العافية يارب

رد: أنا وسيارتي ..
 

هلا بالغالية ام هتان
الا الموضوع للفئتين ) الحمدلله صرنا نسوق
وعندنا سيارات ورخص والعلوم راهية

خلي بس دوري يجي واعلمكم بالجريات الي سويتها
هههههههههه🤫🤫

اسعدني مرورك اسعد الله قلبك

رد: أنا وسيارتي ..
 

ماشاء الله تبارك الرحمن
الله يحفظك
والله صراحة السواقه صاارت مهمه
بذات للمراءة العامله
اما اناااا ههههه
ولا حتى احلم فيها
ماحبيتها
وحده من بناتي مثلي ماتحب
والثانيه مصره تتعلم والله ييسر
......
دخلنا في حواري ^_^
نبغى نشوف الطرق السريعه
معكم
بالتوفيق
واستودعتكم الله
المهم الاحزاام لاتنسوونه

رد: أنا وسيارتي ..
 

جميل والله هذا الطرح وعاد بنا الى ماضي اقشر ههههه
نبدا ونقول
س1 / كم كآن عمرك اول مره سقت السياره؟
ج/ تقريبا ١٦ سنه

س 2/ كم مره سرقت السياره ؟ وكم مره انكشفت وانجلدت ؟
ج/ كذا مرات ع عدد الاصابع والحمد لله سلمت ونفذت بجلدي

س3/ كيف كان شعورك اول مره سقت السياره ؟
ج/ شعور ماحد قدي ومع خوف ما انساه هههه

وكم سيارة بالخط خبطت فيها 🤩
ما اذكر الا مرتين فقط الله يسامحني خاصه من الاول لليوم مايدري من صدم سيارته هههه
س4/ اذا طلعت مشوار تحب تكون لحالك آو ضروري الشله تكون معك ؟
ج/ اصلا مايحلى المشوار الا برفيق السوء معي

س5/ ليه اول ماتبدا تسوق اى مشوار تكون نشيط وتركب السياره قبل اهلك وبعد فتره
يكبر رآسك؟
ج/ فضول ونهم قياده في البدايه بعدها يطفش ويركد الواحد خصوصا من كثرة مشاوير اهل البيت يطلعون الي براس الواحد حتى يكره المشاوير

س6/ مآهو نوع اول سياره سقتها ؟
ج/ كابرس بوكس سيارة الوالد في عهدها هههه

س7 / مآهو نوع سيارتك الان ومـآهو لونها ؟
ج/ سوناتا ذهبيه

س8/ هل يهمك لون السياره وموديلها وماركتها
ج/ اكيد لكل شخص ميول للون سياره وماركه معينه ويسعى للجديد

س9 / بعض الشباب مايحب يركب السياره الا اذا سمع كل اللى بالشارع صوت مسجله هل انت منهم ؟
ج/ حينها اي والله لازم اهل الحاره يدرون اني مريت من عندهم لكن صراحه ازعاج الناس تكفي نظراتهم عند اشاره او موقف

س10/ وين كان اول مشوآر لك؟
ج/ لمحل تسجيلات ع ايامها ههههه

س11 / كم مره سويت حادث / بعد الشر عنكم
ج/ حقيقه كثير لليوم سواقتي تجيب المرض وغير آمنه

س12/ اطرف وأسوأ موقف مر بك وانت بالخط
ج/ كثير مواقف لكن اذكر قبل اطلع رخصه صادفة نقطة تفتيش فلفيت من مفرق ترابي قدامهم ع بالي بياخذني الخط الترابي عشان اتجاوز النقطه لكن غرزت وجلست حتى قرب المغرب ورجعت عندهم طلبتهم يجون يساعدوني يطلعون السياره بعد مارحمو حالتي والله بهذله ما انساها لليوم

س 13/اطول سفره لك بالسيارة ( كم كيلو )
ج/ ١٥٠٠ كيلو من الجنوب للشرقيه

س14/للشباب/ هل انت ضد او مع سواقة المرأة
ج/ نعم معد استقرو في بيوتهم غطو ع هجولة الشباب هههه

وآخيرآ / بكل صراحة كم مخالفة ارتكبت الى الان وهل سددتها ام لا ؟
ج/ كثير واخرتها حزام امان لكن الحمد لله منتظم بالسداد اسدد اول باول الله يعيني عليهم

شاكر لك ندا حسن الطرح المثير ويستاهل التفاعل سلمتي ويعطيك العافيه الف ع جميل الفكره

رد: أنا وسيارتي ..
 

ماشاء الله عليك تميم مطفي الانوار يبغى يتحايل ع الشرطه
هههههههههههههههههههههه




طرح روعه يا ندى

بانتظارك

رد: أنا وسيارتي ..
 

كم انت رائع ياتميم في فن السواقه 👌🏻😅
اثاريك كنت طايش ومتهور وماعندك فرامل 😂

تميم / انتبه لنفسك وسواقتك وخاصة بعد ماصاروا
الحريم ينافسوكم على الخط والله ماعندهن سالفة
ولا يعرفن اصول السواقه
ويمكن يجيبون مصايب للناس وانا اولهم
الله يكفيكم شرنا .. وسواقتنا هي الي تجيب المرض 👌🏻🙌🏻

مره وحده عاكسه الخط واحنا في وجهها
بغت تنتفنا نتفوا ضرس عدوها ولا ضرسها احسن 😂😂
بس بسرعه تصرف السواق واحنا نرتجف من الخوف .

كفانا الله وكفاكم كل شر ..

انبسطت مرره لمبادرتك تميم
الله يسعدك ويحفظك من كل شر

..

رد: أنا وسيارتي ..
 

ياهلا بالغلا ترانيم المطر
الله جابك 😆

قريت احد مواضيعك يوم طميتي بسيارتك
وسط السيل / بعد الشر عنك حبيبتي

يالله جاء دورك / جاوبي ع الاسئلة الي تناسبك
وحكينا عن مغامرتك واعطينا رأيك هل انتي مع اوضد
ان تسوق المراة بالمطلق
ام انه لازم سن معين واوقات محدوده لذلك ..

بنتظارك ..!

رد: أنا وسيارتي ..
 

ولازلنا على عتبات الانتظار
لاخينا العزيز امير الذوق ؛)

المكتوب مامنه هرووب 😂😂

رد: أنا وسيارتي ..
 

مدري ليش كنت اعتقد ان تميم هادئ جدا وبعيد عن السوالف
اما كل هالسوالف تطلع منه ما هقيتها
بس اكيد الحين ركد
وابي اشوف رنومة اخطر هي ولا تميم

رد: أنا وسيارتي ..
 

هلافيك عروبة وطن منورة ياحبيبة
والدور جايك بالطريج 🚙

مير تجهزي ..

رد: أنا وسيارتي ..
 

بسم الله نبدأ

س1 / كم كآن عمرك اول مره سقت السياره؟
يوم كنت في اولى متوسط تقريبا
قير عادي
وكانت بس لعب في لعب ولو درا ابوي ذيك الايام جلدني

س 2/ كم مره سرقت السياره ؟ وكم مره انكشفت وانجلدت ؟

ما عمري سرقت سياره باقي افكر
هههههههههههههههههههههه

س3/ كيف كان شعورك اول مره سقت السياره ؟
وكم سيارة بالخط خبطت فيها 🤩
عادي شعور حلو
يعني اول مره امسك خط طويل من رجال المع الين الواجهه البحريه بعسير

س4/ اذا طلعت مشوار تحب تكون لحالك آو ضروري الشله تكون معك ؟
اذا طلعت عادي اخواتي معي ونادر يطلعون لانهم يخافون مني ههههههههههههههههه

س5/ ليه اول ماتبدا تسوق اى مشوار تكون نشيط وتركب السياره قبل اهلك وبعد فتره
يكبر رآسك؟
م جربت هذا الشعور
عادي اسوق ومافي كبر راس ولا شي


س6/ مآهو نوع اول سياره سقتها ؟
صالون 2005 على ايامه


س7 / مآهو نوع سيارتك الان ومـآهو لونها ؟
النترا ابيض 2018

س8/ هل يهمك لون السياره وموديلها وماركتها
لا عادي اهم شي انها تمشي

س9 / بعض الشباب مايحب يركب السياره الا اذا سمع كل اللى بالشارع صوت مسجله هل انت منهم ؟
شيلات بس
هههههههههههههههه

س10/ وين كان اول مشوآر لك؟
ابها والخميس

س11 / كم مره سويت حادث / بعد الشر عنكم
ولا مره حمدالله

س12/ اطرف وأسوأ موقف مر بك وانت بالخط
الشاحنات دايم اخاف منها

س 13/اطول سفره لك بالسيارة ( كم كيلو )
من القنفذه لجده

س14/للشباب/ هل انت ضد او مع سواقة المرأة
مع عادي لانها ضروريه من ضروريات الحياه في حاله فقط
اذا كانت الواحده ماعندها احد يقوم بالقياده.
اما اذا كان فيه من يقود ما يحتاج تسوق

وآخيرآ / بكل صراحة كم مخالفة ارتكبت الى الان وهل سددتها ام لا ؟
ولا مخالفه

بما أنه سُمح لنا بالسواقة ، فالموضوع مشترك
للشباب والصبايا ..

رد: أنا وسيارتي ..
 

تميم كنت زاااحف يااولد
ههههه
المهم كبرت وعقلت
والله يحفظك
.........
وترانيم اكيد خواتك مراح يركبون معك لو عندك ١٠ رخص هههههه

صراحة السواقه اشوفها متعه
وللاسف مازالت غير مؤيدتها
بس لظرووف احكام
وبما انها صارت مشرووعه ليه لاا
للا فعلا ماعندها غير نفسها
والله يحفظك
ويحفظ الجميع

رد: أنا وسيارتي ..
 

اتاريك ياترانيم من زمان تسوقين وتخالفين محد داري عنك ههههه
فين كان عنك المرور ولا بس في الحواري والدواعيس ههههههه
يفترض اليوم انك سواقه ماهره 👍🏻
الله يسعدك ويحفظك ويحميك ،

كانت الرحله معك ممتعة جدا ..

رد: أنا وسيارتي ..
 

ام هتان /
هذول الي يبدون من بدري وبدون خوف ولا حذر
يركدون بعدين وتصير سواقتهم فل
اركبي معهم وانتي مغمضه الا البنات ههههههه
مساكين احنا بدينا متاخر ومترددات ولا نعرف نتصرف ابدا🙌🏻

مره وقفنا سيارتنا نبي نروح الحرم
وقعدنا ننتظر ع الخط نبي لموزين يوصلنا
وشوي توقف سياره ولما قربنا الا هي حرمه
قالت عشرين ريال اطلعوا 🤪
وارجع على ورى قلت والله مااطلع معها لو بلاش ههههه

..

رد: أنا وسيارتي ..
 

بكل المحبة والتقدير نستقبل شاعرنا المبجل ابوخالد

اربط حزامك واركب سيارتك و ورينا شطارتك ✌

رد: أنا وسيارتي ..
 

في البدايه نوجه الشكر للمبدعه/ ندى الجنوب
على هذه الفكره والطرح الرائع

بسم الله نبدأ

س1 / كم كآن عمرك اول مره سقت السياره؟

ج/ حوالي 14 عام

س 2/ كم مره سرقت السياره ؟ وكم مره انكشفت وانجلدت ؟
ج/ مره وحده وسلمت من الجلد بالواسطه

س3/ كيف كان شعورك اول مره سقت السياره ؟
وكم سيارة بالخط خبطت فيها

ج/ كان شعوري أحس ما أحد قدي وطبعاً كنا في قريه
وكنت استعرض قدام أهل القريه ومشغل عيس الأحسائي الله يرحمه
وكن ما احد ساق غيري هههههههههههههههه

ماأذكر خبطت في سيارة ولله الحمد


س4/ اذا طلعت مشوار تحب تكون لحالك آو ضروري الشله تكون معك ؟

ج/ أوووووه ألشُله نسوي موعد من الليل اعطيهم خبر
يقابلوني أسفل القريه ع شان ما احد يشوفنا مع بعض
كان بعض الاهالي يمنعون اولادهم يقلون مايعرف يسوق
وانا اشوف نفسي ماعاد بعدي هههههههههههههههه

س5/ ليه اول ماتبدا تسوق اى مشوار تكون نشيط وتركب السياره قبل اهلك وبعد فتره
يكبر رآسك؟

ج/ مو مسألت كُبر راس يكون الشخص في البدايه متحمس ونشيط وعاشق سياقه
وفي النهايه من كُثر ماتعوّد سار الوضع عادي
عن نفسي حالياً ما اروح مشوار إلا بأحد أولادي


س6/ مآهو نوع اول سياره سقتها ؟

ج/ جيب شاص

س7 / مآهو نوع سيارتك الان ومـآهو لونها ؟

ج/ جمس أسود

س8/ هل يهمك لون السياره وموديلها وماركتها

ج/ أكيد

س9 / بعض الشباب مايحب يركب السياره الا اذا سمع كل اللى بالشارع صوت مسجله هل انت منهم ؟

ج/ حالياً لا

س10/ وين كان اول مشوآر لك؟

ج/ من بني مالك إلى مكه المكرمة

س11 / كم مره سويت حادث / بعد الشر عنكم

ج/ الحمد لله ولا مره من فضل الباري

س12/ اطرف وأسوأ موقف مر بك وانت بالخط

ج/ كُنت قادم من جازان إلى مكه وقدر الله وتعطلت بي سيارتي قريب منطقة حلي بحوالي خمسه إلي سته كيلو
كان الوقت بعد صلاة العشاء جنبت وبعد فتره وقف عندي شايب الله يذكره بالخير
قلت تكفى لاتخليني الليل مظلم ومكان موحش بجد ماقصر طلّع الحبال وشنكرنا سياراتي في الجيب كان معه صالون
ركب صالونه وانا واقف أكلمه ع شان يمشي على مهله
كان عندي باب الراكب مفتوح لفيت بقفله خويي تحرك مع صكت الباب يُفكر إني ركبت سيارتي
واعتقد الشايب سمعه قليل ركضت وراه مسافه غاب عني أخذني الخوف في نفسي أقول يمكن له قصد
من حُسن الحظ قابل دوريه في الطريق ووقفوه
سألوه وين مودي السياره قال حصلت الرجال مسكين متعطل بوديه حلي
قالو وين الرجال إللي تقول راح يشوف سيارتي مافيها أحد هنا عاد الشايب طار عقله ههههههههههههههههه
المهم بعد عنا وقّف لي إبن حلال
أخذني ومشينا شافني برضو مرتبك وسألني ويش فيك
قُلت وصلني حلي واعطيك السالفه
لحقنا خويي في اللحظه الأخيره وكان على وشك بيودونه ألمخفر
وهنا أطلقو الرجال وانا وصلوني الدوريه إستراحه في حلي
والصباح تم إصلاح سيارتي وواصلت
حقيقة موقف لا أنساه



س 13/اطول سفره لك بالسيارة ( كم كيلو )

ج/ ما ادري كم كيلو
لكن كان أطول سفره من مكه إلى الجوف


س14/للشباب/ هل انت ضد او مع سواقة المرأة

ج/ أكيد ضد

وآخيرآ / بكل صراحة كم مخالفة ارتكبت الى الان وهل سددتها ام لا ؟

ج/ سددت قبل فتره اربع مخالفات وإالى حد الأن لايوجد

بما أنه سُمح لنا بالسواقة ، فالموضوع مشترك
للشباب والصبايا ..

رد: أنا وسيارتي ..
 

ي الله موقف مرعب لابو خالد
اهم شي الشايب مسكين ما درى انه ساحب على الي يبغى مساعده
ههههههههههههههه
يعطيك العافيه ابو خالد ويعطيك العافيه ندو
صراحه الطرح الي استمتعت بقراءته هذا الطرح
مضحك جدا
كملي اختاري خلينا نضحك شويه

رد: أنا وسيارتي ..
 

استاذنا القدير ابوخالد
تكرمآ منك وتفضل / هذه الاستجابة
كل الشكر والتقدير ولاعدم من حضورك الكريم ..

ياااه وشكثر تأثرت من الموقف الي صارلك
مااسوأ مايحصل والليل مظلم والطريق موحش ووعر

الصراحة ان الشايب كان يبيله شنكره في جمسك الاسود على هالورطة
الي حطك فيها هههههههه
سفرات الليل صعبة وكمان بدون خوي درب اصعب واصعب

بس ضيقت خُلقنا ابوخالد ليه ضد سواقتنا 😆 🙌🏻
حكومتنا قدمت للمرأة كل شي على طبق من ذهب
وان شاء الله تكون في الصالح العام ومانخيب الظنون
ولا نخون الثقة ..

شكرآ لك مرة اخرى ياسمح المحيا ..

رد: أنا وسيارتي ..
 

ونستقبل بطلة التصاميم فاضلتنا وفنانتنا
(( عروبة وطن ))

اركبي سيارتك وانطلقي بها الى السعودية
وامسكي خط ع الرياض ومن الرياض الى الطايف
ومن الطايف الى اراضي الجنوب وقبلها وظبي سيارتك
وخليك مع اللوحات الارشادية
لايصير فيك مثل ابوخالد الله يسعده هههههههه

..

رد: أنا وسيارتي ..
 

ههههههه
ارتقى الموضوع بتواجدك وتعليقاتك ترانيم المطر
الله يرضى عليك وعلى والديك ..❤🥰

رد: أنا وسيارتي ..
 

رد: أنا وسيارتي ..
 

ياهلا ياهلا بالامير امير الذوق
بما انك تأخرت ع الموعد كنسلناه
تميم عاد اما حبى وبرك والا سعى وكسرك 😂😂😂😂😂
ماصدقنا شفناه وتركناه يسوي الي يبي
والمخالفة يخلف الله اتصل على صديقه ومسحها له 🙌🏻👌🏻

يالله عاد خلينا نشوفك انتا وسيارتك المقربعة شكلك
رحت توظبها هههههههه

صراحة نورررررت مررره الله يحييك وان تاخرت انتا الي بتجيك مخالفة ✌

والتحدي بينك وبين عروبة نشوف مين يسقط ع الثاني ..

😂😂😂🚙🚙🚙🚙🚙

رد: أنا وسيارتي ..
 

وانا اتريا امير الذوق عشان لا يعطيني مخالفة اني جاوبت قبله
يلا امير الذوق خلنا نشوف شو مسوي بالشوارع وكم مرة تخالفت

رد: أنا وسيارتي ..
 

لاماعليك عروبتنا نظام ساهر كله تحت تحكمي
ورينا شطارتك واسقطي على امير وهات مافي جعبتك ..
عادي حتى لو تعاكستم الطريج ..:36_11_23:

رد: أنا وسيارتي ..
 

ليتش تدرين يا ندى فيه واحد ثاني معارض السواقه
هههههههههههههههههه
ضد وبقوه
بس خليني ساكته ازين
هههههههههههههههههههه

رد: أنا وسيارتي ..
 

ندى
اعطيهم الاثنين مخالفه
امير وعروبه
موقفين السير^_^
......
الى الان ماشاء الله على الضيوف
محد مفحط ههههه
اما قصة ابو خالد فعلا تخووف
ندى يعطيك العافيه
ومنتظرين البقيه

رد: أنا وسيارتي ..
 

المتهم بريء حتى تثبت ادانته
بننتظر ونشوف كل واحد ضد مع ذكر الاسباب
وبعدها نجمعهم ونوديهم محل تشليح السيارات هههههه
:36_1_25:

رد: أنا وسيارتي ..
 

ههههههه
الله يعيننا بنصبر عليهم تعرفين مع كورونا وكذا متخوفين ههههههه
التفخيط ممنوع غرامته عاليه زي منتي عارفه ههههه
ولا كان سمعتي اصوات تفحيطاتهم من اخر الدنيا هههههه
وخاصة تميم وترانيم واضح متهورين في السواقه هههههه

الله يعافيك ام هتان على اطلاتك وتعليقاتك

:12_7_22:

رد: أنا وسيارتي ..
 

احم احم
انا جيت وخروووووووووووووووووووووووا شوي
ونقول بسم الله

في البدايه نوجه الشكر للمبدعه/ ندى الجنوب
على هذه الفكره والطرح الرائع

بسم الله نبدأ

س1 / كم كآن عمرك اول مره سقت السياره؟

ج/ ندو الحبوبة ، كان جدي يعلمنا نسوق من نحن صغار اللي يلحق يشوف من سكان السيارة يبدأ بتعليمه بغض النظر ولد او بنت ، وقتها عمري 12 ونص واختي الاكبر عني 14 كان كل اليوم العصر يعلمنا

س 2/ كم مره سرقت السياره ؟ وكم مره انكشفت وانجلدت ؟
ج/ سرقت السيارة مرتين ، مرة كان عمري 14 وابوي ما درى عني والمرة الثانية كانت الطامة الكبرى ، سرقت سيارة ابوي ، وانا ارجع للخلف عشان اصفها مكانها دعمت سيارة اخوي (اسمي هاليوم كان حفلة رعب وماانساه)

س3/ كيف كان شعورك اول مره سقت السياره ؟
ج/ شعور عادي ، الرهبة كانت يوم سقت اول مرة في زحمة سوق الرولة.
طبعا كانت المرة اللي دعمت فيها سيارة اخوي بسيارة ابوي وما كان عندي ليسن


س4/ اذا طلعت مشوار تحب تكون لحالك آو ضروري الشله تكون معك ؟

ج/ السالفة مب الطلعة ، السالفة مشاوير البيت اللي ما تخلص ، وانصح كل بنت انها لا تتعلم تسوق لأن كل طلبات البيت تصير على راسها ، وماشاء الله الشباب مخيمين في البر يومين وثلاث.

س5/ ليه اول ماتبدا تسوق اى مشوار تكون نشيط وتركب السياره قبل اهلك وبعد فتره
يكبر رآسك؟

ج/ السالفة مب كبر راس ، السالفة تصير انتهازية وعدم رحمة في الطلبات وتملين الطلعات من كثر طلباتهم.

س6/ مآهو نوع اول سياره سقتها ؟

ج/ سيارة ابوي رحمة الله عليه كانت رينج روفر

س7 / مآهو نوع سيارتك الان ومـآهو لونها ؟

ج/ انفنيتي نفس هذي ونفس اللون

https://gearkhana.com/wp-content/upl...sdefault-2.jpg
س8/ هل يهمك لون السياره وموديلها وماركتها

ج/ كل انسان تستهويه نوعية معينة من السيارات ويفضلها على غيرها

س9 / بعض الشباب مايحب يركب السياره الا اذا سمع كل اللى بالشارع صوت مسجله هل انت منهم ؟

ج/ اعتقد ان البنات ما يسوون هالشي ومازال هناك تحفظ في الخليج بالنسبة لتصرفات البنات في الشارع

س10/ وين كان اول مشوآر لك؟

ج/ أول مشوار لي وصلت ربيعة امي بيتهم وكانت الوالدة معاي الله يحفظها.

س11 / كم مره سويت حادث / بعد الشر عنكم

ج/ سويت حادث واحد وكانت السيارة أفالون وتحطمت من ناحية اليسار لكن الله قدر ولطف وطحت في الكرسي اللي عدال السائق ، وتكنسلت السيارة ، ومن وقتها وانا اسوق 4 wheel

س12/ اطرف وأسوأ موقف مر بك وانت بالخط

ج/ ماسوق مسافات طويلة ولا احب الاضاءة اللي تجهر العين ، لذلك مرة وحد بس سقت لين بوظبي
لكن كل مشاوري في الشارقة او عجمان او دبي

س 13/اطول سفره لك بالسيارة ( كم كيلو )

ج/ اطول مسافة سقتها لين بوظبي
151 كيلو متر


س14/للشباب/ هل انت ضد او مع سواقة المرأة

ج/ دام للشباب يعني ماراح اجاوب

وآخيرآ / بكل صراحة كم مخالفة ارتكبت الى الان وهل سددتها ام لا ؟

ج/ كانت مخالفة مواقف على البحيرة ودفعتها في اليوم اللي عقبه

:embarrassed: نبي حد طايش مانبي هدوء ، يلا ندو شوفي حد يفحط

رد: أنا وسيارتي ..
 

ياعمري انتي.


لازم اذا جيتي ابها تمريني

بالنسبه الاغاني ما اسمع اغاني بالسياره
من الحين تريني احب الشيلات
ههههههههههههههههههههههههههه



يسعدك ربي عروبه
استمتعت وانا اقرا

ومعذره يا ندى كل شوي وانا اكتب


من جد التعليقات تهبل وتضحك بالنفس الوقت ماقدر امسك يدي لازم اكتب
ههههههههههههههههههههه

رد: أنا وسيارتي ..
 

سعدت باستظافتك عروبة وطن
يبغالنا نجي ندرب بنات المنتدى عندك وعقبها تمنحينهم رخص معتمدة هههه

الله يعطيك العافية ياعسسسل ..

اي احد يشوف له نفس يركب سيارته
يتفضل يجينا بس بدون تفحيط 🤩

رد: أنا وسيارتي ..
 

بالعكس ترانيم انتِ من زاد الموضوع جمالا
بمداخلاتك وتعليقاتك

لبى قلبك وشكرا لك .