منتديات قبائل ال تليد - أنت اتصالاتـك علـى العَيـن والـراس

منتديات قبائل ال تليد (https://www.al-taleed.com/vb/index.php)

- - "تحليقات في فضاءات همس القصيد" (https://www.al-taleed.com/vb/forumdisplay.php?f=10)

- - أنت اتصالاتـك علـى العَيـن والـراس (https://www.al-taleed.com/vb/showthread.php?t=2777)

أنت اتصالاتـك علـى العَيـن والـراس

السلام عليكم ورحمة وبركاتة

أنت اتصالاتـك علـى العَيـن والـراس
قصْـدك تواصلنـي وتاخـذ علـومـي

رفيقـي الغالـي وطيّـب وابْـن نـاس
وسوالفـك عذبـه وتجلـى همـومـي

لكـن رمـاك الله بشاعـر وحَـسّـاس
واحساسـي احيانـاً يـكـدّر حْلـومـي

يرسم على وجهي من الضِيقـه اقـواس
ويشتّـت افكـاري وينهِـك عـزومـي

غيري لا ضاق يقول : ( خِيره وَلا باس )
وأنا لا ضقْـت تضيـق فينـي هْدومـي

مهوب ضعْف ايمـان وشْعـور باليـاس
أمْسِـي ورا ظهـري .. وقانـع بيَومـي

آمنـت باللـي صـوّر العالـم اجنـاس
عالـم خفـا نفسـي وقاضـي لزومـي

راضي بمقسومي رضا مـا لـه قيـاس
رهين فكْـر .. ولـي سَمَـاي ونُجومـي

وبالي من احداث الزمـن دَوم منحـاس
وغزيـر دمعـي مـا تمشّـه كمـومـي

الكبْـد مندبْلـه والاغـصـان يـبَّـاس
يـا كثْـر صدّاتـي ويـا قـلَّ نـومـي

ما افرح لو انّ المنتخـب ياخـذ الكـاس
راسي ما عَوَّدتـه مـعَ الـرُوس يُومـي

لي اهتماماتي وحرْصـي علـى سـاس
وأخـاف مـن حرْصـي تزايـد ثلومـي

واللي يخاطبني بَـلا وعْـي واحسـاس
كنّـه مقلّطنـي علـى دِيـك رومــي!

تقبلوووتحياتي وخالص ودي