منتديات قبائل ال تليد - قصيدة(حمدان يا حمدان ... أمك توصيك)

منتديات قبائل ال تليد (https://www.al-taleed.com/vb/index.php)

- - "تحليقات في فضاءات همس القصيد" (https://www.al-taleed.com/vb/forumdisplay.php?f=10)

- - قصيدة(حمدان يا حمدان ... أمك توصيك) (https://www.al-taleed.com/vb/showthread.php?t=1465)

قصيدة(حمدان يا حمدان ... أمك توصيك)

http://www.alfrasha.com/up/1307645581240870345.gif

http://www.al-qatarya.org/qtr/qatarya_AKbUhyc5gz.gif

قالَ تعالىْ : { وقضَىْ ربُّك ألاّ تعبدوُا إلا إيّاهُ ، وَبالوَالديْنِ إحسَانا } * ،

* سوُرة الإسراء

هذيْ قصيْدَه ، كتبتهَا امرأه عجوُزٍ لــِ ولدها حمدآن ،

بعدَ ما اوُدعها إبنُها وَ لِلأسَفْ .. فيْ دارِ المُسنّيْن .. !!

وطالت المدة لثلاث سنوات بدون أن يزورها
ورغم كل هذا كانت القصيدة مليئه برحمه وعطف الأم
الله يخلي لنا امهاتنا يارب
ويارب تكون هالقصيدة درس للكثير من الأبناء
ودرس لزوجات الأبناء الي يحرضون الاولاد على عقوق أمهاتهم

والدنيا دوارة

اترككم مع القصيده

وين انت يا حمدان امـك تناديـك ..
وراك مـا تسمـع شكايـا وندايـا

يا مَسندي قلبي على الدوم يطريك..
ماغبت عن عيني وطيفك سمايا

هذي ثلاث سنين والعين تبكيك..
ماشفت زولك زايرٍ يا ظنايا

تذكر حياتي يوم اشيلك واداريك..
وآلاعبك دايم وتمشي ورايا ؟

ترقد على صوتي وحضني يدفّيك..
ماغيرك احدٍ ساكنٍ في حشايا

وإليا مَرضْت اسهر بقربك واداريك..
ماذوق طعم النوم صبح ومسايا

ياما عطيتك من حناني وابعطيك..
تكبر وتكبر بالأمل يا مُنايا

لكن خساره بعتنا اليوم وشفيك ؟..
واخلصت للزوجه وأنا لي شقايا

انا ادري انها قاسيه ما تخليك..
قالت عجوزك ما ابيها معايا

وخليتني وسط المصحّه وأنا ارجيك..
هذا جزىْ المعروف وهذا جزايا ؟!

ياليتني خدامتنِ بين اياديك..
من شان اشوُفك كل يوم برضايا

http://www.net4net.net/vb/images/smilies/M130.gif

مشكور يا وليدي وتشكر مساعيك..
وادعيلك الله دايمٍ بالهدايا

حمدان يا حمدان امك توصيك..
اخاف من تلحق تشوف الوصايا

اوصيت دكتور المصحّه بيعطيك..
رسالتي وحروفها من بكايا

وإن متّ .. لا تبخل علي بدعاويك..
واطلب لي الغفران وهذا رجايا

وامطر تراب القبر بدموع عينيك..
ماعاد ينفعك الندم والنعايا