منتديات قبائل ال تليد - (ياايوب راح الليل )

ياايوب راح الليـل تشكـي علـي الحـال

وانا اشكي عليك الحـال والحـال متدانـي

لو انك من البنغـال وابـوك فـي البنغـال

انا وانـت فابـو ظبـي والرابـط انسانـي

ماكن لي من الاصحاب غير انت والجـوال

وانا يحتمـي لـي كـل يامـي وقحطانـي

قدرت من روؤس المزاريع رؤوس اجبـال

وانا الطيب في مـدح الاحاسيـس تحدانـي

واغرب مع شيوخ العوامـر هـل الافعـال

واشـرق مـع شيـوخ المناصيـر متفانـي

ولو اصيح فآل مره تجي والسنيـن هـزال

واعنز علـى العجمـان وامـوت متغانـي

لكنـي معـا كـل القبايـل مجمـل فــال

من مطير ليشمـر الـى ساحـل اعمانـي

ياويلي على المسا ويا ويلي علـى المقيـال

لكـن الظهـر مهمـوم والليـل سهرانـي

يقولون مشيها وتمشـي علـى ايـة حـال

علـى جثتـي والاعلـى قـبـر جـدانـي

قبل ماابتدي شكراًعلـى حسـن الاستقبـال

وقبـل ماانتهـي ودي اسولـف وبلعـانـي

ماني عبد ابو خالد محمـد عريـب الخـال

ولا عبد ابـن مكتـوم او عبـد ابـن ثانـي

ومايمشي على آمـر الحكومـه ولاتحتـال

قوانينهـا تقطـع صـدى صـدح الآذانـي

لكن سيدي محمد ابن راشـد الـى اختـال

وقـف موقـف ٍ بيـن الرجاجيـل قدانـي

ولو مطمعي في القـرش ياصبـة الفنجـال

حضوري لبو خالـد عـن المـال كفانـي

لكن سمعه الطيب بـروق فعـرض خيـال

مطرها الـى حـول سقـا كـل ظميانـي

يقـول الملـك الله يحفظـه مافيـه اشكـال

الـى ضيـع الاول والـى ضيـع الثانـي

ابوصل المرسـول لـه طبعـه المرسـال

لكـن خدمـه التوصيـل ماهيـب مجانـي

الابداع حالـه والشعـر فكـر واسترسـال

مع خلف متعـه تغـري انصـات الاذانـي

ياكم بزر من بزران شبـه الجزيـره قـال

بأنـه مثـل عـوج السنـيـن ايتحـدانـي

وانـا كنـت فاالشعـار والشـعـر ولازال

مثل وضع حزب الله فـي شعـب لبنانـي

لايفضى معي بتري ولا ينقطـع الارسـال

ولا اعاني من الـوزن واوزن مـن يعانـي

ولا اغير اسلوبـي ولااستصنـع الاقـوال

انـا صنـع ربـي مانـي بصنـع يابانـي

انا الثوره اللـي بعدهـا صـار الاستقـلال

وانـا الانقـلاب اللـي ضحايـاه اشجانـي

الى فزت فاز الشعـر والهاجـس الهمـال

لكن لا خسر اخسـر وانـا مانـي بدانـي

وصلنا لابـو ظبـي الثقيلـه وحـن اثقـال

مثـل ماوصـل بلقيس..هدهـد سليمـانـي

ترى جدة المليون ليـره .. وابـوه اريـال

لكن الاختـلاف الكمـي اشكـال والوانـي

وترى قلـه الادراك رجـل بـدون عيـال

ولاله من الاخـوان مـن يشبـه اخوانـي

يااصحابي اللـي كـل ليلـه لكـم مـوال

انا اللـي انـا اللـي والزمـان ايتحدانـي

ياكـم واحـد بينـي وبينـه مـن الاميـال

مايحجبه عن عيني وهـو وسـط شريانـي

وياكم واحد صاير له امن الشموس ظـلال

والى غبـت عـن عينـه دقيقـه تناسانـي

صداقـات راس المـال لازاد راس المـال

تزيد وتزايد وان نقـص حسـب ماجانـي

وايلا الحين عدواني تكثـر علـي الامثـال

وانظـف لهـا قلبـي ولا اوسـخ لسانـي

افـج النحـور ابعـد نظـره وسعـه بـال

علشانـهـم جـهـال وانــا علـشـانـي

اخاصم وانا رجال وارضـى وانـا رجـال

وهذا اللي يميزنـي علـى كـل عدوانـي

امارس معا نفسي غروري بـدون اهمـال

بـان التواضـع شـي غـالـي وربـانـي

عشقت الشموخ الاشمـوخ العقـل والشـال

وكهرهـت النظـام الاالنظـام البريطانـي

طموعي ماهوفيلا .. وراتب .. وكيف الحال

قصيدة مـدح فـي تاجـر ٍ ماهـو ايدانـي

اذا صار مانـي عضـو فالمجتمـع فعـال

ابشعـل فتيـل الحـرب فـكـل ميـدانـي

اغنـي مـع البـدو ويحاربنـي الجـمـال

ويداعب احاسيس الحضر حـزن وجدانـي

لو ان تجربه عمري مثل تجربـه الاطفـال

ماخليـت مـن تغريبتـي اجمـل احزانـي

وانا بيـن حلـم انـي اخلـد وانـا رحـال

واخلي مـن اطـوال المسافـات اوطانـي

لـو ابيـع عمـري واتحـرر مـن الاذلال

ايلا قبـر فيـه اذنـوب عمـري تحرانـي

عرفت انـي افكـر خطـا والحيـاه هبـال

شوفـو منطـق التفكيـر لويـن ودانــي

لـو ان البقـا للافضليـه ماكـان اطــال

لنـا الله عمـر ابليـس وابليـس شيطانـي

ولو المـوت فاالتاريـخ محكـور للابطـال

تمنيـتـه ايجيـنـي قـبـل ماايتمنـانـي

لكنـه خـذا محمـد عليـه الـصـلاة وآل

وخذا مسيلمـه ومسيلمـه كنـه نصرانـي

اعاني من الاجحاف واشكو مـن الاهمـال

مريض ٍ من الواقع مـرض شبـه نفسانـي

وانا خايف اني اعيش وامـوت دون امـال

ماني خايف اني اعيش وامـوت وحدانـي

لكن ياوجودي والتوجـد علـى ايـه حـال

برستيج نستخدمـه فـي بعـض الاحيانـي

مثل وضع شعار العروبه علـى الاطـلال

على كثرما مااضحكني على كثر ماابكانـي