منتديات قبائل ال تليد - يلعب بقلبي لعبة الطفل بالطير

منتديات قبائل ال تليد (https://www.al-taleed.com/vb/index.php)

- - "تحليقات في فضاءات همس القصيد" (https://www.al-taleed.com/vb/forumdisplay.php?f=10)

- - يلعب بقلبي لعبة الطفل بالطير (https://www.al-taleed.com/vb/showthread.php?t=29912)

يلعب بقلبي لعبة الطفل بالطير

يلعب بقلبي لعبة الطفل بالطير

http://c.top4top.net/p_2349v220.jpg

قصيدة من أرشيف الشاعر معجب الصقيري..

يلعب بقلبي لعبة الطفل بالطير
يضحك وطيره ميت(ن) في يدينه

يا لوحة الرسام فيك الشقا غير
يرسم على وجهه ملامح حزينه

كيف البراءه تذبح أحلام للغير
وكيف المنايا في يدينه رهينه

يضحك وكن الأمر عدى على خير
مايدري إن القبر قبضة يمينه

عقب الفضا ماهو على كيفه يطير
واليوم وين الجو عنه ووينه

أصبح سجين الطفل يبكي من الضير
والطفل يضحك ما بلش في سجينه

قضى وطشه يوم وقف على البير
يبغى تشوف الطير لا طار.. عينه

مستغرب(ن) رايح على القاع ومغير
ماغير ريشه منتثر فوق طينه

مايدري إن الطير وقف به السير
كانت نهاية رحلته في يدينه

رد: يلعب بقلبي لعبة الطفل بالطير

كلمات جميله صح لسانك وعتلا شانك
الله يسعدك ويعطيك العافيه
دمت بخير

رد: يلعب بقلبي لعبة الطفل بالطير

ودام تواجدك الكريم طيف
الله يعطيك العافية

رد: يلعب بقلبي لعبة الطفل بالطير

كلمات جميله مترفه بالمشاعر والاحساس
يسلموو السوسن ع حسن الطرح