منتديات قبائل ال تليد - انا موادع عقب طعنه وسكين جدييدي سد الحرير ( عزف منفرد )

منتديات قبائل ال تليد (https://www.al-taleed.com/vb/index.php)

- - "تحليقات في فضاءات همس القصيد" (https://www.al-taleed.com/vb/forumdisplay.php?f=10)

انا موادع عقب طعنه وسكين جدييدي سد الحرير ( عزف منفرد )

اعزِف وتر الاحزان ياكامل الزين
وامسح بقايا حلم ضاع بيدينك

لاتنكر الاحساس والشوق بالـعين
ولاتنتظر مرسال بينـي وبينـك

كنت ازرع البستان ورد ورياحين
واشم عطرك في حنانك ولينك

كنت انتظر صوتك وارحب ملايين
هي عادتي لابطيت واقول وينك

وان غبت عني صار همي بهمين
هم الغياب وهم شوقي لعينك

من عادتي لاغرْت ثارت براكين
هذي طبوعي ترفعك ماتشينك

ياما رسمتك سهم في وسط قلبين
اجيك ضامي واتغزل بزينك

ياغلى من الخفاق والروح تكفين
حل الفراق ودمع عيني يدينك

لاصرت تمشي في دروب الرديين
ماعاد لي مجلاس والله يعينك

ماراح اقولْك ليش وشلون تنسين
لان التجارب دووم تروي يقينك

دايم تراضي الغير طيب وبعدين
وش فايدة لازعلت دايم ضنينك

شربت من يمناك يازين مرّين
مر الفراق ومر رجــوى سنينك

هذا هو اللي يقسم القلب قسمين
انك تحب انسان وهمه يهينك

هذي نهاية دربنا كان تدرين
والحب اسمى من طعون بيمينك

روحي لغيري يمكن انك تلاقين
من هو يصونك او يراعي حنينك

انا مــوادع عقب طعنة وسكين
وابيك تنسى حلم ضاع بيدينك

رد: انا موادع عقب طعنه وسكين جدييدي سد الحرير ( عزف منفرد )

انا مــوادع عقب طعنة وسكين
وابيك تنسى حلم ضاع بيدينك
كلمات رائعه كروعتك
الله درك بن ناعووور
تسسسسسسسسسسلم الانامل

رد: انا موادع عقب طعنه وسكين جدييدي سد الحرير ( عزف منفرد )

جميـــــــــــــــــــــــــل أخي ابــــن نـــــــــاااااااعوووور ...

لا فــــض فـــــــــووووكــــ ...

و

لا حــــرمنـــا مـــن فيـــــض ابـــدااااااااااااااااعــــكــ ...

و تقبل مروري ...

هدوء المحيط