منتديات قبائل ال تليد - اكذب عليك ان قلت مانى بمشتاق

منتديات قبائل ال تليد (https://www.al-taleed.com/vb/index.php)

- - "تحليقات في فضاءات همس القصيد" (https://www.al-taleed.com/vb/forumdisplay.php?f=10)

- - اكذب عليك ان قلت مانى بمشتاق (https://www.al-taleed.com/vb/showthread.php?t=2481)

اكذب عليك ان قلت مانى بمشتاق

أكذب عليكـ أن قلت ماني بمشتاق
وأكذب عليكـ أن قلت حبكـ نسيته
خل الكلام اللي طعن صمت الأوراق
يحكي لكـ اللي ما نطقت وحكيته
ناظر عيوني شوف تأثير الأشواق
شوف الفرح وشلون بعدك جفيته
كتفي يشيل من الزمن فوق ما طاق
والضيق يرضى بي وأنا ما رضيته
إلى متى وأنا أنتظر لحظة اشراق
إلى متى والحزن هالقلب بيته
إلى متى والهم ينحت بالأعماق
وأسقيه من فرقاك دمعاً بكيته
يا صاحبي شف خاطري ما بعد راق
بنفس الطريق اللي انتهى وابتديته
ضاق الزمن والكل في بعدكم ضاق
حتى القصيد اللي بصدري احتويته
عمر الشعر ما ضيق صدور الأوراق
الضيق ضيقي لا كتبت وقريته
تعبت أجمع ما بقالي من أشواق
وأقول ليت الوقت يفهم ياليته
يا قو قلبكـ وأنت محرقني أحراق
أرفق بحال اللي ذكرك ونسيته
تدري عزاي ان حدك القلب تشتاق
دور علي بكل درب مشيته
يمكن تلاقي درب بدروب الفراق
يجوز ربي كاتبه وأهـتـديـتـه
ومدام ربي في يدهتقسيم الأرزاق
أنا أقتنعت بما كتبت ورضيته