|
نقاش ..لا تسأل عن التفاصيل
تعرفوا مواضيع الي تطلع بين زحمة الشغل
اليوم كذا موضوعي عشان نتناولـه في استراحة محارب كالعادة جالسه اشتغل و تلفوني على الطاوله مشغله فيه بودكاست فمــر علي بودكاست مقابله بين شخصين من ضمن الحـوار كان يتكلم عن كلام الناس و اللمز و الهمس " فلان سافر وما قال لنا ليش كنت ناوي توصله على المطار فلان بنى بيت و جاب لنا سيره كنت ناوي تأخذ له قرض بإسمـك او تشتري له مواد البناء فلان طلع هو اقربائه رحله وما قال لنا و كإنا نحن لسنا موجودين كنت ناوي تشتري له لحم للمشاوي او تحجز له فندق على حسابك فلان خطب وما قال لنا كنت ناوي تساعده بتكاليف الخطبه او العرس و ختم كلامه افرح للناس وازعل لزعلهم و لا تسأل في التفاصيل لا تتفلسف لا تتدخل كل واحد عنده ظروفه و هم يكفيه لا تستكثر الفرحة على الناس ادعي بالفرحة لغيرك . . بالنسبـة لي أنا ما اوافقه الرأي بشكل تام و فيه نقاط يحتاج لها تعقيب و فيه ناس توافقه الرأي تحت حجة اقضوا حوائجكم بالكتمان شرأيكم انتم يا تليد و من وجهة نظركم هل كلامه صحيح و لازم نأخذه بمحمل الجد |
رد: نقاش ..لا تسأل عن التفاصيل
برجع بعدين يوم اخلص شغلي عشان اسولف صح 🏃🏻♀🏃🏻♀🏃🏻♀🏃🏻♀
|
رد: نقاش ..لا تسأل عن التفاصيل
،،
أهلا ميس هذه قضية المجتمع العائلي حاليآ وتداولت هذه التساؤلات ليش مايعلمنا ماقال لنا من برامج التواصل لان الاغلب صاروا ينشرون كل شي والبعض عندهم حساسية فيه ناس تدخل نفسها بكل كيره وصغيره وكانها مسؤله عنهم وتتبعهم في تحركاتهم وسكناتهم ماعرف بعض الناس فيهم فضول وبين قوسين (لقافه ) ايش يعني سافر رافقته السلامه ايش يعني خطب او ملك الله يسعدهم ايش يعني اشترى بيت الف مبروك لازم يعطني استبيان عن ممتلكاته وعن خططه المستقبلية بصدق انا اعارض عن مثل ذي الامور حتى لو كانوا من اقاربي او حتى اهلي الا ان كان عائلتي الصغيرة لا لازم يقولون لي لاني مسوله عنهم وناخذ الامور بالاستشاره بصدق اعتبر هذه الامور من الخصوصيات لشخص مثل ماانا عندي خصوصيه لامور في حياتي وعليها خط احمر، اكيد كل واحد له خصوصيه والبعض يتحفظ ممكن بعضهم يقولون كتمان والبعض يخاف من العين او الحسد والبعض مايهمه احد هذه االنوعيه من الناس اللي تدقق راح تعيش حياتها في تعب نفسي وملل وارهاق لانها تدخل في ادق تفاصيل غيرها وتتبعهم وغالبا مايكون بالموضوع فيه حسد او غيره والا ايش دخله لامور الناس بعض الامور،لازم تقضى بهدوء وكتمان لان لمن لواحد يعلن عنها ممكن تخرب وممكن مايتوفق انا صار لي كثير مواقف من اقارب انهم مايبلغون احد برغم قرابتنا قويه لكن احترمت الخصوصية فصرت انا ماهتمم أبدا اادي واجب المناسبه وخلاص من تباريك وهدايا وتواجد ومشاطره لهم في حفلتهم ومناسبتهم واقرن المباركه بما شاءالله واروح احط راسي ع المخدة شي مايعنيني خلاص انتهى والله يوفق ويسهل عليهم ،، يعطيك العافيه ميس دمت بخير يعتلي الحصريه والإضافة ،، ، |
رد: نقاش ..لا تسأل عن التفاصيل
ي كثر الملاقيف الي يتبعون اخبار خلق الله
ولو صار شي وماعرفوه الا بعدين ياويلاه كيف تجي التفسيرات والتاويلات من اصحاب الفضول المزعجين طب في ناس تحب تتكتم على خصوصياتها واسرارها وتفضل عدم معرفة الاخرين بها لانها لاتعنيهم من الاخر هو سلوك مؤذي وسيء ومذموم ولا احد يتقبله.. لكن مع الاسف فيه فئة من البشر تحب تعرف تحركات الاخرين وتشغل نفسها بمتابعتهم بينما تتم امورهم بسرية كاملة ولا احد يعرف عنهم شي../ من حسن اسلام المرء تركه مالايعنيه ومن راقب الناس مات همآ.. شكرا مثنية لمبدعتنا ميساء يسلم فكرك ومدادك ي عسل .. |
رد: نقاش ..لا تسأل عن التفاصيل
اللآسف انامسلم وانت مسلم وصاحب الموضوع والنقاش مسلم
يجب يكون الانسان متزن في كلامه في اخلاقه في تصرفاته وخاصه اليوميه بعضنا يصورنفسه الاهل بيته وللمجتمع وخاصه الزملاء في العمل انه شخصيه مرموقه وانه حبوب وكريم وجتماعي وهوا غيرذالك تصنيف اخلاقه صفرفي البدايه لما يريدمعرفة خبراو ينقل خبريجمع من جمل الكلام الذي يسمعه حتى من اهله في البيت ولاهوا متآكد من صحة الكلام وهذا يقال عنه كلام نفاق بطريقه سلسله لايعلم انه نفاق بحت علينا مرعاة مشاعرالاخرين وحترام المبادي فا التواصل الاجتماعي صارمباح النفاق ولدليل كثرة المشاهيروترويجهم اشيا لاتليق باالسلام والمسلم اعتقد مايحتاج نكون اغبياء ونرضى على انفوسنا نسكت عما يحدث اقل شئ انصح قريبك صديقك وحفظ نفسك من نقل الكلام ولاستماع الرذل الكلام وشكرآ السعيدي |
رد: نقاش ..لا تسأل عن التفاصيل
فاضين وحياتهم توقفت
ياكلون ويشربون وانتفخوا خلاص ماعندهم مواهب ولا عندهم هوايات نافعه ، خلاص وقت فراغهم يقضونه في اللقافه والاهتمام بالناس ، وكل امكانياتهم النفسيه والعقلية مع الحواس الخمس يتم تسخيرها في اللقافه والفضول ومتابعة احداث مايدور حولهم ،، |
| الساعة الآن 04:44 PM
|
Powered by vBulletin® Version 3.8.11
Copyright ©2000 - 2024, vBulletin Solutions Inc.
new notificatio by 9adq_ala7sas
استضافه ودعم وتطوير وحمايه من استضافة تعاون