منتديات قبائل ال تليد - مزعج هل الحي مركبته يفحطها

الوقت مبلي وفيه الناس مبلية
ووضاعه العوج مدري كيف أبقطها
.
ورع وزقاره ومكسيمه وقبعيه
وزرته فاتحه وقرون يمشطها
.
أيقلد أخته ربط بكله كلسكيه
وسلاسل الماس فوق الصدر رابطها
.
ويقول نمشي على موضات غربية
من كثر ما يدوج بين العوج لاقطها
.
ما فاد يخسر حسان ويكتسب سيه
مزعج هل الحي مركبته يفحطها
.
ما هيب كسبه من الشيبان مهديه
أمه شرتها وبوه اللي يقسطها
.
ما نلحقه لوم في هذه وهذيه
نشره على أبوه وذنوبه يلابطها
.
التربية ضايعة في شكل حرية
سبحة هل البيت راع البيت فارطها
.
إن كان ما للرجل كلمة رجولية
في البيت وإلا المرة فوقه مسلطها
.
والأم في المجتمع عضوة وساسية
الخيل قالوا تراها من مرابطها
.
العلم من دون توجيهات أباويه
ما ينفع أجيال تلهو في تخبطها
.
المدرسة ما تكفي محو الأمية
ليا صار ما لبيت بالتوجيه يربطها
.
الراعي اللي ما يقدر يحفظ رعيه
أيضيع أرعيته ما هوب ضابطها
.
يالله تصلح لنا الأعمال والنيّة
في طاعتك ما نغير في مخططها
.
.
اسم القصيده وقائلها :
مزعج هل الحي مركبته يفحطها
للشاعر // ضيف الله بن فهد العضياني العتيبي