سراب اللال
 

أطرد سراب اللال وتغطي الغيوم نجوم
ويشقق ثياب الغرام البعد والحاجه
-
والشوق يغتال السكون ويستغيض النوم
ويسبب اسباب الظلام ويضوي سراجه
-
وانا على خبري قبلت بقسمة المقسوم
لكن تغريد الأمل عوّدني ادراجه
-
عيني على ضوح الغياب وخاطري مقسوم
بينك وبين اللي هداه اسراه معراجه
-
من خلف بابي ينكسر نور الأمل مهزوم
عند المكان اللي سطر للبعد منهاجه
-
واسترجع احساس اللقا اللي كان من كم يوم
يتلمس دروب العفو ويلوح بافراجه
-
كلما تدثرت بعذر واه وحبست اللوم
برد العنا والظن يكسر حاجز سياجه
-
واطلق خيولي ثمّ ارصّع بالنجوم غيوم
والبّس بعادك غرام اعيش واحتاجه

رد: سراب اللال
 

صح لسان الشاعر وسلم بنان الناقل

كل الشكر والتقدير

رد: سراب اللال
 

كل الشكر لمرووورك

رد: سراب اللال
 

الله 😍
صح اللسان الشاعر
و بارك الله في صاحب الإنتقاء الرائع 👌🏼

رد: سراب اللال
 

لك الجوري ياميساء على تواجدك

رد: سراب اللال
 

بالطبع القصيدة جميلة جدا
ومليئة بالمشاعر الجياشة

اما هذا البيت



يستحق وقفة
كم رائع ان يترافق ويتزامن استرجاع الذكرى بالعفو
وكيف استخدم كلمة افراجه
وكأن العفو كان في سجن

صح لسان الشاعر
وسلمت يمينك على النقل

رد: سراب اللال
 

الله يعطيك العافيه على حضورك وكلماتك