ابشر يابو خالد مع قلبك اقلوب
يطل علينا الشاعر عبد الله الزهراني ( وحش الفلا) المشرف على القسم الأدبي بمنتديات معلمي ومعلمات المملكة والمرابط على الحدود الجنوبية ضمن اللواء الثامن عشر البطل الذي ساهم في الإجهاز على المعتدي الحوثي بقصيدة رائعة وجهها الى أبي خالد والدنا الأمير سلطان بن عبد العزيز بمناسبة عودته إلى أرض الوطن
بعنوان : ابشر يابو خالد مع قلبك اقلوب http://www.youtube.com/watch?v=Z1INeiKuXu4 وهذه هي القصيدة كاملة بالنص هات الكفن ماعاد في العيش مرغوب دام الوطن يُطمع بذرة غباره اقسم قسم ماني من الموت مرعوب والمو ت في غيرالمعارك خساره يوم الشرف لاصار بالدم مكتوب جندي شهيد ولارضي في دياره ياسيدي سلطان سلطان محبوب يأمر وكل الجيش رهن الاشاره له وحشه والشعب يبكي ومتعوب غاب القمر والشعب طال انتظاره يبكي الوطن والدمع حق وموجوب وشلون مايبكي وسلطان أناره ابني بمقدم سيدي قد لبس ثوب واقبل يبشرني بشوق وحراره يقول والبسمه على وجهه تجوب هذا أبونا ياأبي جا دياره غيبتك عنا مشكلة كل متعوب ودمع الفرح في مقدمك في غزاره اليا كفخ سلطان فالخصم منكوب واليااسلمه مالموت عاش بحقاره واليا وهب سلطان فالخير موهوب وياسعد حظ الي منح في قراره له حكمه وحنكه وله راي واسلوب ورايه التوحيد دايم شعاره ابشر يابو خالد مع قلبك اقلوب تعشق لذيد الموت في قدح ناره حنالها والوقت طيب ومكروب وعهدا على خصمك يغير مساره يسيل دمي ولا تبات انت مغضوب من شرذمه بانت عليها الحقاره الحق يعلى وأنت بالحق منصوب ويخسى الذليل الي مسوي شطاره ياسيدي تكفى ترى القلب متعوب تطفي لهيب القلب في شن غاره ابشر بجيش لاصبح الوقت محسوب يبغت جيوش في الخصم في عقر داره يقلون حوثي فاقد الرشد معطوب يرضي بعيد الناس ويخون جاره دزوه يخسى فاقد العقل منكوب ضحى بحمقى معجبين بشعاره لكن وش لاقى سوى لفحة الهوب ؟ والنار لسآ .. ذي مجرد شراره !! من اللوا الثامن عشر جيت مندوب جندي مجاهد والتخصص إشارة وصلاة ربي عد ما هبت هبوب على نبي نقتدي في مسارة المصدر : منتديات معلمي ومعلمات المملكة العربية السعودية |
رد: ابشر يابو خالد مع قلبك اقلوب
شكري لك موصل حبيبي ابو فواز على هذا النقل الرائع
ونسال الله بمنه وكرمه أن ينصر الاسلام والمسلمين على أعداء الدين |
رد: ابشر يابو خالد مع قلبك اقلوب
اسعدني مرورك اخي المبدع محب الدعوة
|
رد: ابشر يابو خالد مع قلبك اقلوب
wtnصح لسانك اللة ينصركم
|
رد: ابشر يابو خالد مع قلبك اقلوب
صح لسانك والله ينصر الاسلام والمسلمين شكري وتقديري لناقل ابو فواز |
رد: ابشر يابو خالد مع قلبك اقلوب
مشكور ابو فواز على النقل الرائع
تقبل مروري |
رد: ابشر يابو خالد مع قلبك اقلوب
ابوفواز مشكور على متتحفنا به من اخبار تتعلق بالحرب على الحدود صح لسان الشاعر ومنصورين ان شاء الله تقبل خالص ودي وردي |
رد: ابشر يابو خالد مع قلبك اقلوب
ونعم في الزهراني وفي كل الأبطال المرابطين على الحدود الجنوبية وصح لسانه ويستاهل ابوخالد
شكرا ابوفواز على النقل الرائع |
الساعة الآن 04:51 PM
|
Powered by vBulletin® Version 3.8.11
Copyright ©2000 - 2024, vBulletin Solutions Inc.
new notificatio by 9adq_ala7sas
استضافه ودعم وتطوير وحمايه من استضافة تعاون