انفلونزا الخنـــازير
انفلونزا الخنـــازير . . من يوم ماجتنا افلونزا الخنازيـر ماعاد نبغـي طـاري الافلونـزا من اولٍ كانت تعدّي علـى خيـر واليوم يمكن من تجي لـه يعَـزّا يالله دخيلك من سهـوم المقاديـر اللي تـدزّ النـاس فالمـوت دزّا حتى مع التطعيم مدري وش ايصير عُقْب الدوا والحقنـة اللـي تغـزّا حنّا سمعنـا فالمحطـات تقريـر مدري صـدق راعيـه والا تهـزّا يقول هذا اللـي يـدكّ الطوابيـر والموت والتابوت جوفـه مـوَزّا جاكم من ارضٍ كلبوهـا خوابيـر يئزّهـا شيـطـان الاجــرام أزّا تصنع مرض لجل تصرّف عقاقير وتذبح بشر من شان تزداد عـزّا وحنا بلشنا في فـروخ الصقاقيـر اللـي نبيهـا فـي هددهـا تفـزّا مدري يخلَّى راعي الطير والطيـر والا تحـزّ رقـاب الاثنيـن حـزّا هذي الدول قامت تسوق القناطيـر واتْكـز ملياراتهـا فيـه كــزّا ونخاف من عُقب التعب والمخاسير من طعّمـوه اليـوم بكـره يعَـزّا شعر / سعيد بن مقبل الأكلبي |
رد: انفلونزا الخنـــازير
صح لسان الشاعر سعيد الأكلبي
وتسلم اخي الذوق الرفيع ع الطر ح الرائع قصيده جميله |
رد: انفلونزا الخنـــازير
صح لسانك
ونسأل الله ان يحمينا من هذا الوباء تقبل مروري |
رد: انفلونزا الخنـــازير
الفتى الذهبي
ابوفواز شكرا لكم على المورور العطر لكم تحياتي.,., |
الساعة الآن 03:00 AM
|
Powered by vBulletin® Version 3.8.11
Copyright ©2000 - 2024, vBulletin Solutions Inc.
new notificatio by 9adq_ala7sas
استضافه ودعم وتطوير وحمايه من استضافة تعاون