|
أنــا معاق ولكن من يتقبلني؟
طفولة معاق الطفوله .. أحلى مافي هالحياة مرحله من غير هم كنـّا دايم نبتسم كنـّا حتى لو بكينا ... وجارت الدنيا علينا بعد لحظـات وثواني ... بسمه فينا ترتســم كنـّا نركض خلف كورة ... لا لا أنا ماكنت معهم؟ وحدي بس بعيد عنهم ... كنت أضحك من ضحكهم ... جالس لحالي أهذري!... جالس أحسب كم( كُوبري )*... صلـّحه( أحمد ) في ( ماجد ) ؟؟ والله واجد!! وقبل ما يحل الظلام ... للبيوت نروح نجري ... لا لا أنا ماكنت معهم ! أمشي وحدي بعيد عنهم ... أمشي وأعدد أثرهم! وهم عني يبعدون ... يبعدون ... يبعدون ... إلا( ماجد )! كان مثلي حيل ضايق ... بس حزنـي كــان حارق كان يسألني ببراءه : ... ليه تعرج ؟ ... قلت مادري ! - باستياء - ليش تبكي ؟ قلت مابكي - بكبرياء - ضاق مني ... ثم سألني في غباء ... قال ( وثرايك تـثــابق )؟ وراح عنــّــي ... !! **** كنت أسأل دوم نفسي ... ليش ما أركض معاهم ؟؟ ليش دوم أمشي وراهم ؟؟ وش بلاي ؟؟ أو وش بلاهم ؟؟ ليه أنا غير الأنام ؟؟ زاحمتني الأسئله... كل شيٍ أجهله ؟ وإن تعبت من الإجـــابه... أحظن الحيـــره وأنام . **** مرّت سنين وكبرت ... صار همّي اليوم أكبر حتى دمعي صار أكثر للأسف توي قدرت ... أفهم إني شخص ( عاجز )! يعني بيني وبينكم مليون حاجـــز !!! صدقوني ذي حقيقه ... لا طلعت السوق ... كل مامشي دقيقه القى كل شوي أبله ! يمشي ويناظر صديقه ... ويغمز له يقول : ناظر...! وش يناظر ؟؟ وتتفجّــر في خفوقي ألف ضيقه ووحده في وسط الزحام ... طالعتني باهتمام ... بنت في عمر الزهو ... أي رشاقه ... وأي أناقه ... وأي عطـــور !! قلت في نفسي ياهووووه هي تناظرني بغرام ؟ أو هي نظره والسلام ؟ بس أكيد إنها تعرفني ... شايفتني ؟ شايفتني في جريده ؟ واعجبتها لي قصيده ؟ إيييييه أنا توي افتكرت ... لي قصيده ... كنت ناشر معها صوره بس صوره ... ياسلااااا م وفاجأتني ... لمـّا صارت لي قريبه ... كانت تـتمـتم بطيبه ( يكسر الخاطــر حـــرااااام ) !!!!! وتركت دمعه غريبه ... وضاعت بوسط الزحــام n دمعه كانت تحكي وضعي ... زلزلتني ارتطم قلبي بضلعي ... دمرتني صدقوني ... أصعب اللحظــات وأقسى لاغدا الرجـّــــال يكسر ... خاطر انثى كيف ينسى ؟؟؟ جاوبوني ! **** وزاد همّــي ... يوم فكــّـرت بوظيفه ... ثم زواج أي وظيفه ... وأي زواج ؟؟ اللــي مثـلي ... مهما طالب ... لويلف ولو يدور زين لو حطـــّــوه كــاتب لا ... وعلى بنــد الأجـــــــور ... ماهو رسمي !!! صدقون لو تدرّج ... وصار راتبه يتصاعد وابتــدا وضعه يزين ما أظنه بيتزوّج ... إلا من بعد التقاعد من سنه الى سنتين ! **** وفي النهــايه ... يابلــدنا... مهما كانت تسميتـنا عاجزين ... معوّقين لك عهدنا... وذا قسمنا: أقسم بالله العظيم ... منزل الذكر الحكيم أن أصونــك يابلادي ... من شرور العابثين من مطامع كل حاسد ... من نوايا كل فاســد وإني لك حصن ٍ حصين إنتي ناديني وشوفي ... لا نويتي باجهــاد والله أقهر لك ظروفي ... دامك إنتي لي بــــلاد وباسم كل العاجزين ... دام فينا أصبع يطول الزنـــاد لا يهمــّـك يابلادي ... وازهليهــــــــا. للشاعر :محمد العويضه واعذروني مادري وين احط هالموضوع في اي قسم لذا خليته هون |
رد: أنــا معاق ولكن من يتقبلني؟
مشكورة والله أختى دموع الورد قصيدة رائعة بارك الله فيكى تقبلى تحياتى |
رد: أنــا معاق ولكن من يتقبلني؟
|
رد: أنــا معاق ولكن من يتقبلني؟
اميره
غيثااااره يسلموعلى المرور كلكم ذوووق |
رد: أنــا معاق ولكن من يتقبلني؟
وقبل ما يحل الظلام ...
للبيوت نروح نجري ... لا لا أنا ماكنت معهم ! أمشي وحدي بعيد عنهم ... أمشي وأعدد أثرهم! الله الله ما اروعك من نص وما اروعك من معنى وما اسماك من هدف خلف هذا النص الاعاقة هي اعاقة الفكر لا اعاقة الجسد جميل هذا التسلسل اعجبني حتى النخاع كم هو جميل ذوقك دموع الورد لاعدمناك ربي يحفظك ويحقق مناك |
رد: أنــا معاق ولكن من يتقبلني؟
من جد رااااااااااااااائعه
كل الشكر اخت دموع بانتظار جديدك الرائع |
رد: أنــا معاق ولكن من يتقبلني؟
ابوفواز
اطلالتك تسمو بهاء لك مني الشكر الجزيل |
رد: أنــا معاق ولكن من يتقبلني؟
ابوسهام
نورت يالغلا تشكراتي لك |
رد: أنــا معاق ولكن من يتقبلني؟
همسآت حروف كلمآت عبآرآت آحآول صيآغتهآ ولآ آستطيع
نظرآت آلشفقه نرآهآ في آعينهم نظرآت آليآس تنطلق وتصرخ مدويةً من عيني لكن ! نظره آخرى للمعآق آصم آبكم آعمى مقعد وغيرهآ من الآعآقآت ! لربمآ آلله سبحآنه وتعآلى آختآرهم من بين آلبشر ليكونوآ تحت آختبآر ليكونوآ بآلآعآقه آفضل ! ( ليكونوآ ممن آحبهم آلله فآختبرهم ) نصمت ونقول : ولله في خلقه شؤون لآتنسونهم من آلدعآء وتذكروآ قد تكونون يومآ منهم وآنتم لآ تعلمون آللهم آحفظ علينآ نعمتك ظآهره وبآطنه وآشفي آخوآننآ وعآفهم بشفآئك ومعآفآك يَ كريم ~> آختي دموع الورد جزآك البآرئ خيره ولآحرمك فسيح جنآته دمتي كمآ تودّين 3> |
| الساعة الآن 02:23 AM
|
Powered by vBulletin® Version 3.8.11
Copyright ©2000 - 2024, vBulletin Solutions Inc.
new notificatio by 9adq_ala7sas
استضافه ودعم وتطوير وحمايه من استضافة تعاون