|
المطبخ
السلام عليكم
يا جماعه هل تغيير المطبخ على المستاجر والا صاحب البيت علما ان المستاجر له تقريبا 10 سنوات يمكن يخرج ما يطول بالسكن عندهم يمكن يطول والمطبخ اساسا قديم من قبل يستاجر كان قديم ومع الاستخدام اصبح متهالك ما نفع لا تجليد ولا تعديل المطبخ قديم وكبير وحرف L جهة مافيها دواليب علويه هل تغييره على صاحب البيت كون المستاجر يدفع قيمة الايجار 20 الف ريال بالسنه. يعني حتى لو مطبخ من الحراج مستخدم حصلت قيمتها على 5000 ريال اهم شي يعني يتغير هل على صاحب البيت والا المستاجر انا اتمنى والله صاحبه يغيره لانه اساسا في بيته واحنا يوما ما بنطلع منه انا كنت ببحث عن شقه ثانيه لكن النقل متعب جدا متعب مادري وين الموضوع اصلا مفروض بس حطيته بقسم المطبخ :beaten: |
رد: المطبخ
والله ع حسبي علمي ياصمت ان الموضوع هذا يختلف من منطقه لمنطقه
عندنا بالجنوب يركبه صاحب البيت وصيانته ع المستأجر بحكم انه هو الي خربه اما مثلا في جده سمعت انه ع المستأجر واذا نقل يشيله معه اذا مايبي يخليه يغني لو تهالك ويبي يفيره فعلى المستأجر انا اشوف المفروض تغييره يكون نص بالنص ع راعي البيت والمستأجر لانهم الاثنين مستفيدين منه والموضوع صراحه مافي لوائح نظاميه تحكم فيه عشان كذا اتوقع بترجع براس المستأجر ويغيره هو لحاله ويطلع منها صاحب البيت لانه مو المتضرر |
رد: المطبخ
عليكم السلام
اهلا صمت مثل ما قال الاخ تميم يختلف من منطقه لمنطقه كنت في الشرقيه المطبخ يكون على المستاجر اما في الجنوب سكنت شقتين المطبخ على صاحب الشقه اما اذا المستاجر بيطلع والمطبخ تالف يكون عليه لانه هو من استخدمه.. وبعض اصحاب الشقق يرضى يكون التغيير من الايجار او التصليح من الايجار قولوا له بتغيرونه من الايجار واذا رفض غيروه واذا طلعتم خذوه |
رد: المطبخ
وعليكم السلام
تركيب المطابخ اجتهاد من المالك بعضهم يركب ويجي المستاجر يخلعه لانه مو عاجب المدام ،.. ومن حقها لان لكل واحده ذوقها الخاص بمطبخها من ناحية اللون والموديل والمساحة الي تبغى تغطيها وبعدين مكان الثلاجة والفرن والمكرويف كلها صارت داخله بنفس المطبخ فمن هذا المنطلق يترك المطبخ على المستأجر . حتى في حالة لو تخرب فيه شي هو الي يصلحه . واذا طلع من الشقه يشيله معاه ولا يجبر المالك بدفع قيمته لو تركه .. انا مثلا لو بستاجر شقة استحاله اقبل مطبخ مستخدم من غيري .. موضوعك رائع منايا ودايما نكون بحاجة الى نقاشات واستشارات واراء بعضنا في مثل هالجوانب .. الله يعطيك العافية. |
رد: المطبخ
طيب انا افيدكم زيادة ع رأي الاخوان تميم ونسيم
انا عندي عماره ومأجر جميع شققها المطابخ انا اللي مركبها في حال خروج المستاجر يشيك ع الاشياء الرئيسيه الابواب الشبابيك المطابخ ودورات المياه تكرمون اذا وجد فيها شيئ ع حسب التلف ع المستأجر يستلم نظيف يسلم نظيف وفي بنود العقد مذكوره خلاف اللي راح يجي يركب ستائر ويشيلها معه ترميم الجدران واعادة صباغة الشقق ع صاحب العقار وشكرا |
رد: المطبخ
اقتباس:
اذا المستأجر ما عجبة المطبخ الموجود اصلا له الخيار في استبداله ع حسابه وله الخيار عند الخروج اخذه اوتركه وفي حالة تأجير الشقه بدون مطبخ للمستأجر الحق في مساعدته في خصم جزء من الايجار لا ضرر ولا ضرار لان اغلب المالكين للعقار عندهم خالة شجع ولا يرحم اما سالفة المطبخ المستخدم وتغييره هذا ع المستأجر وفي حالة خروجه يرجع الاول او يترك البديل ولا خيار غيرها |
رد: المطبخ
اخو العيال وش بلاكم ياقوم
انثى ومشكلتها ممكن مطبخ ضحى ههههه ياجماعه انثى ملايئكه تذكرني بالجليله يوم انقتل كليب وطلب جساس ترجع بيت ابوها صارة مشكله كبيربنقل اغراض بيتها بعدموت كليب وخاصه غرفة النوم كل المعروضات من اثاث ومجوهرات في بيت كليب المتحف عالمي نقلها يخسرهم المهم ياانثى لااعلم مزوجه او عزباكان انتي مزوجه عزالله ان درى زوجك زعل منك ومن حقه هوا اكيد من يدفع الايجار وهوا من يصلح الخراب كان انتي عزباوهلك هما المستاجرين البيت لك الحق تشكي ويجب يقف معاك صاحب المكتب الذي اجرعليكم البيت ولكن في نظري انا هذا الموضوع مجرد سالفه من اجل تكتشفي رد فعل الاعضاء خاصه العضوات وتمنى من قلبي تكون حياتك سعيده ويكون لك قصرفاخرفي الدنياء وفي الاخره جنة الفردوس اخوك ملك |
رد: المطبخ
اسمعي منايا /
اذا انتي صاحبة المشكلة ف اقلك انو تغيير المطبخ عليك وماله دخل بالايجار .. صاحب البيت بيقول ماعندي غيره تبغونه ولا بكيفكم ولا هو ملزوم ينقص من الايجار الا لوكان تكرم منه . هذا الي اعرفه .. |
رد: المطبخ
اختي سكنت شقه في ابها وكان المطبخ الدروج مكسوره وكلمو صاحب الشقه قالوا بنغير ويكون من الايجار وفعلا غيرو وكان من الايجار
وبعض اصحاب الشقق يرفض. الحين واحد من الجيران طلع في نفس العماره حقنا وقد دمر الشقه و والزمه صاحب الشقه يصلح كل شي مثل ما دخل نظيفه وجديده يرجع كل شي مثل ما اخذه يعني في كذا وكذا والدنيا حظوظ |
رد: المطبخ
اقتباس:
الا عند نقطة ان المالك يخصم من الايجار كمشاركة للمطبخ طيب المطبخ خاص بالمستاجر واذا طلع يفكه وياخذه . تصدق انه مسكين المالك يسوون فيه المستاجرين النون ومايعلمون .. اذا طلعوا من الشقه سحبوا على نص الايجار اذا ماكان بعقد اكتروني وروح ياعمي شوف الدمار الي مسوينه الحايط وسخ ومشخبط الارضيات مكسره الادوات الصحية خربانه ........فواتير الكهرب مو مسدده .....الخ يعني كم يبغاله عشان بس يدفع ويصلح بعدهم ...! الله يعين الي عنده شقق للايجار ابخس لو حط فلوسه بمشروع ثاني ...؛ |
رد: المطبخ
اقتباس:
الان صارها المطبخ قصة الف ليله وليله ههههههههههههههههههههههه والله مستغرب قصص حياتكم والمعاناه نثرتوها امام ها المطبخ هههه شورايكم نقط حق المطبخ الاانثى ويادارمادخلك شر يالالايالالا :3941_01183366232: |
رد: المطبخ
اقتباس:
وفيه احلا من قصص وحكايات الف ليلة وليلة هههههههههههه يسعدك ياملك 😂😂👌🏻 |
رد: المطبخ
اقتباس:
امكن عمر المطبخ 20 سنه لا تلوموني في ما كتبت ولكن صراحه احيانا ما ابي اخرج لانه جيراني طيبين بشكل لا يوصف معتبريني بنتهم مو مستاجره وهذا الي اقلقني كثير لانه ما ب،عرف اذا بلاقي ناس نفس طيبتهم او لا :marsa500: |
رد: المطبخ
اقتباس:
ولكن المطبخ حبيبتي استخدام ناس قبلي يعني مو انا المطبخ عمره تقريبا 20 سنه :36_1_35: |
رد: المطبخ
اقتباس:
لانه جيراني طيبين وشقتي تعتبر دور ثاني. ومرتاحه فيها |
رد: المطبخ
اقتباس:
ودي اسوي مطبخ جديد ولكن انا كل الي ببالي حتى لو مطبخ مستخدم بس بحاله ممتازه ما يتجاوز 4000 لان تصميم المطابخ زي ما تعرفون غاليه تصميم وتفصيل حسب حجم ومساحه المطبخ بالحفله الجديده ماعرف قياسات المطبخ في بيتي مستقبلا يعني لساتني باول الطريق احيانا اقول خلاص بخليه على ماهو عليه اساسا بس اطبخ فيه واطلع |
رد: المطبخ
اقتباس:
خوالي كانوا مأجورين فلتهم بحكم انهم بارياض ويجون بس الاجازات ف ماجرين سنوي والله يا دمار شامل وسرقه لمواعين جدتي الله يرحمها كانت حاطه المواعين بغرفه مقفله ماهي للمستاجر ومعطينهم خبر ان الغرفه هذي فيها اشياء خاصه لصاحبه البيت اذا رجعو من رياض وتوفت جدتي الله يرحمها وجو يشوفون البيت بعد المستاجر الا وهو سارق كل مواعين جدتي صحون وكاسات وصواني تقديم من اغلى الانواع مكانس كهربائيه وفرشات وحافظات عريكه كلها سرقوها واحنا قبل سنوات اجرنا الشقق الي تحت ببيتنا لناس استاجروها تقريبا سنتين جلسوا طلعوا منها نظيفه تلق لق كانوا قحاطين الله يذكرهم بالخير يعني فيه ناس قلال حيا وصخين وفيه ناس لا ياخذون الشي يردونه كما هو احنا مستاجرين الشقه اساسا قديمه (قديمه ) المطبخ المنيوم من القديم واكثر ابوابه شفافه يعني الي جوا ينشاف اعتقد البعض يعرفها مو اول مستاجره سبحان الله ناس قبلي مستاجرين شقه فوق وجديده ومدخلها مستقل حتى انا مستقل ولكن العيب انها قديمه جدا حمدالله ومحافظه عليها واصلح فيها من مصروفي الخاص الشي الي يخرب اسويه الدواليب اذا انفك واحد سويته مساكات راحت بدلتها بجديده يعني ميزانيتي تروح اكثر شي للبيت وباذن الله قريب اطلع في بيت ملك |
رد: المطبخ
اقتباس:
فيه ناس مره دمار شامل كتبت تعليق بخصوص هذا الشي لندى. فوق |
رد: المطبخ
اقتباس:
وش العيب انه الواحده تسكن لحالها ! مستغربه من تعليقك عموما شاكره مرورك في حكايتي |
رد: المطبخ
اقتباس:
انا ماطرحة كلام شاذ عن المصتلحات السعوديه وعتقد انك غلطانه تطرحي مثل هذا الموضوع بخصوص مطبخ الاعضاء مافيهم نجارولاصانع ولاعامل بويه كلهم اعضاء مثقفين راقين ولكن اللائسف بعض الناس ثقافتهم احتقارالناس وعتقاد منهم انا الاعضاء المتواجدين وجود السؤال والجواب يااختي انا مستغرمنك تسوين قضيه من جمله عزبااومزوجه يعني عزباء ماتزوجتي وانتي من يستاجرمن المكاتب مباشره وقراءتي الشروط في العقد وفاهمه مالك وماعليك هذا القصد من عزباء اما جملة متزوجه يااختي الكريمه المعنى زوجك هوا المسؤل عن مسكنك ومشربك ورايح يوريك الشقه قبل تسكني وانتي بدورك بتشوفي دولاب مكسور مغاسل يدين خربانه تسبيك المهم الموجودبا الشقه قبل تسكني تعرفي الصالح منها والخربان والقديم دورك تقولي يازوجي العزيز هذا خربان وهذا صالح وهوا بدوره يتفاهم مع المكتب حسب عقد الايجار حتى المالك ماله دخل مكتب العقارهوا المسؤل وتمنى منك يااختي لاتفسري كلام ملك عكس الاتجاه وتخلين من الحبه قبه بردودك الغير سنعه وفقك الله وطال في عمرك |
رد: المطبخ
حبيبتي سوي جمعية واستلمي اول وحده
وغيري المطبخ كولكشن دامك مرتاحه بالعمارة وعندك جيران مايتفرط فيهم كلموا صاحب العمارة واضغطوا عليه ياتساعدنا بالتكاليف يانطلع ندور شقه ثانيه على طول حيوافق لانه نفس الشي مايبي يخسر مستاجر. |
رد: المطبخ
اخوي ملك الشرق الله يطول بعمرك
عادي انو نسال بعض ونشاور بعض في امورنا الخاصة يمكن الواحد يجيه رأي سديد ماخطر على باله او كان يجهله |
رد: المطبخ
كلام الاخوان يبين ان النظام ليس موحد فكل منطقة تختلف عن الاخرى
وصاحب العقار هو من يحاول يسوق لعقاره بالطريقة التي يرى انه تخدمه ويوفر بعض الامور التي تزيد من اقبال المستاجرين على البيت ولكن غالب المؤجرين كل ما احس ان السوق حامي وان فيه اقبال على الشقق اصبح يغالي ويتشرط ويترك الشقة بلا صيانه يبي المستاجر يدفع امور ليست عليه ويقول تبي او اطلع والمستاجر مغلوب على امره لانه لايوجد نظام يحكم السوق وصل الحال بنا في الدمام قبل كم سنة الى ان اصحاب الشقق يقول ما ابي ااجر سعودي ما ابي ااجر عسكري وما ابي كذا وتحصل الشقة منتهية تحتاج صيانة وصبغ وامور كثير يقول لك المالك تبيها على حالها او فيه غيرك يبيها مما يضطر المستاجر اخذا الشقه على حالها وعمل صيانة على حسابه لانه مضطر السوق يحكم حصل عندنا ازمة سكن قبل ما يقارب 10 سنوات واصبحت الشقة الي ماتسوى 10 الف تؤجر بثلاثين الف عندنا في الشرقية كل شقق التاجير غير مجهزة المطبخ ياتي المستاجر ويفصل مطبخ واذا طلع اخذه مع ان هذا النظام جدا مكلف على المستاجر ولكنه يعطي المستاجر حرية في اخذ ما يعجبه ويعفي المالك من وجع الراس مع ان الخاسر هنا هو المستاجر فلا يمكنه الاستفادة من المطبخ في شقة اخرى إلا ماندر وانا ارى انه يفترض ان يكون المطبخ احد اساسيات البيت دام انه معد للايجار فيفترض انه المطبخ يكون مجهز فالمستاجر لايستطيع يفصل مطبخ كل مانقل من شقة الى اخرى هذا امر جدا مكلف وخصوصا ان غالب الشقق المعدة للايجار يكون بها مشاكل احيانا مما يضطر مستاجر للتغير بين فترة واخرى وصاحب المبنى بامكانه ان يتعاقد مع صيانه تصلح ما تلف ولو حتى على حساب المستاجر اذا كان هو المتسبب وانا مع نظام الجنوب فهوعاجبني فغالب الشقق المعدة للايجار يكون المطبخ مجهز وهذا يوفر على الستاجر احييك اخي الصامت على عملك ونظامك فهذا هو المفترض لانك بهذا توفر على المستاجر وتريحه من عنا هم المطبخ |
رد: المطبخ
كلام الصامت صحيح
هي حسب العقد |
رد: المطبخ
اقتباس:
اترك عنك التفكير اللي مدري وش اسميه اولا وش الي اقلل من قيمة الاعضاء فاستشاره بخصوص مطبخي بالعكس مو غلطانه لاني اسال اهل الخبره الي عارفين بالمطابخ الايجار والخ وش دخل النجار والسباك فالاعضاء ! وشدخل الرقي بالموضوع في استشاره بخصوص تغيير المطبخ ! الموضوع بكبره استشاره ليش محسسني اني سويت جريمه وكبيره من كباير الذنوب ! ترا استشاره بخصوص مطبخ مو اثاره بلبله ونقاش ماله اي هدف مثل بعض الموضوعات الي انت منزلها ومالها داعي في قسم الراي والراي الاخر ! وانت عارف الموضوع وشهو ..... (بعدين ليش تقلل من قيمه النجار والسباك والمهندس بصفه عامه امام شخص كاتب لا تدري وش وظيفته يمكن النجار والمهندس يعرف يكتب رد راقي ارقى من ردك وتهجمك عالناس صح ام لا اين الرقي اني لا اراه في ردك ! وين الثقافه والرقي الي تقول عنها قارن بين ردك ورد بقية الاعضاء لاعد تفسر كلامي وموضوعي على هواك موضوع ما راق لك لا تعلق عليه لزياده عدد مو شرط ترا اما حكايه متزوجه ام عزباء كنت طرحت كلامك من غير توجيه الكلام وتحديده لي لان هذا شي يخص العضو نفسه اذا احد الاعضاء حاب يكون كتاب مفتوح وكل من المتواجدين يعلم عنه وعن حياته الخاصه ف هم احرار واذا العضو نفسه حاب يكون غامض ف ماله داعي توجيه كلام بنفس الاسلوب فالتعليق الاول والثاني لك وما كان عدلت وحذفت التعليق كان تركته كما هو بس عشان اعلمك ان الشخص لما يكون راقي ومثقف مارح يعدل ردوده لاي سبب كان لا تكتب تعليق وتتعب نفسك لاني مارح ارد عليك ولا راح اعقب على ردودك اوكي |
رد: المطبخ
اقتباس:
واكرر مره اخرى موضوعي مافي ولا غلط وعارفه انو الاعضاء مارح يقصرون بتوجيهي توجيه صحيح حكايه انه تقول نجار والا سباك ! المثقف والراقي ما يقللل من قيمة الشخص الي امامه مهما كان وظيفته ومستواه ممكن شخص نجار والا مهندس والا حتى واحد يرعى غنم بيعرف يرد رد راقي حسب الموضوع المطروح |
رد: المطبخ
وكل الاعضاء والعضوات الي ردوا علي كلهم تعليقاتهم راقيه تدل على رقيهم ماادري
وش وظايفهم وش مستواهم الشخص الي امامي احكم عليه من خلال اسلوبه وكتابته وكل البنات والشباب الي و دلوني واستفدت من ردودهم الله يعطيهم العافيه. ماقصروا استفدت كثير من ردود البنات ورد الصامت وابوفواز وغيرهم ........يعني فيه نقط ما كنت اعرفها قارن بين اسلوبك بالكتابه واسلوب الجميع بالكتابه حينها تعرف تفرق بين الشخص المثقف والشخص الغير مثقف اللذي يضع موضوع ورد لا له محتوى ولا هدف |
رد: المطبخ
انصحك بتغير المطبخ
وخاص لك متى ماطلعتي وهو لسا كويس يكون افضل اغلبيت المأجر ماله دخل ولا ينقص ولا يزود القررار لك وموفقه يارب |
| الساعة الآن 10:14 PM
|
Powered by vBulletin® Version 3.8.11
Copyright ©2000 - 2024, vBulletin Solutions Inc.
new notificatio by 9adq_ala7sas
استضافه ودعم وتطوير وحمايه من استضافة تعاون