علمي بها بأيام سن الطفوله
علمي بها بأيام ســـــن الطفـــوله= =عهد البرائه والغلا بين الاطــفــال نلعب ونمرح وانتلاقا بسهــولــــه= =نتبادل الضحكه على كل الأشكـــال لو اتأخر يوم جــتني ذهــولــــــــه= =يسوقها لي الغلا دون مرســــــــال حتى منامي بعض الأحيان حـولـــه= =متعودٍ معها على الضحك وجــــدال بالليل اخوّفــها ولاهـــي زعــــولــه= =تقـول مانـي خـايفـــه وانت حــــيال لاقلت جاك الذيب جتني جـفولـــــه= =وليا اشبكتني قلت ياعمــري ظـلال وكم مرةٍ قلــت ادرســي ياكسـولـه= =تضحك وتعفشني تقول انت محـتال ماني سواتك وتحسبني مهبولـــــه= =شطّوره ولابي مثل غيري هــــــبال وكم مـرّةٍ مــثّلت دور البطـــولــــــه= =افـزعلها واسـوّي ســوات الأبطـــال كل ماأشتكت من طفل زوّد فضـولـــه= =ابهــدلـــه واعطــيه كــفٍ لـياعــــال كبرت وصارت نور عيني خجــولــه= =واصبح وجودي حولها يسبب اشكال قالت تضل النفــس يمــّك مـيولـــــه= =واشفــق لشوفـك يابعــد كـل الأزوال والله مانــي من وجــودك ملــولــه= =لكــن بلاي بعينهم صــرت رجـــال زولك طويل وصعب حولـي قبولـه= =ومرات اشوفك تلبس شماغ وعقال ترى الأهل راحو لبوك وشكــولــه= =وادري المفارق بيننا فيه غربـــال والله مهما حاولــو أو حـكـولــــــه= =تبقى الحبيب اللي له القلب مــيّال ياما منعني والدي عن وصولـــــه= =وياما على ضهري عطاني من عقال قال الغلا له حـد واعــرف اصـولــه= =واللي مثل سنّك يصيرون عقّــــــال مايدري ان العقل صعــبٍ حلولــــه= =واجسامنا تنبض بها قلوب جهّـــال وشفيك يادنيا مــشيتي عـجـــولـــــه= =كم ضاع بأسبابك أمــــانـي وآمـــال من بعـــد ماكنت انتظر شوف زولـه= = قامت تبكينــي صـــورها والأطـــلال الروح صارت بالفــراق معــلولـــه= =وصار الغلا لصويحبي حب بهبــال ياحظ منهو في حـــياته ينولـــــــــه= =ملاك بعيوني على الأرض تخـتال جاها حظيظٍ غيري ووافـقـولــــــه= =وتحطــمـت بقلوبنا كــل الآمـــــــال راحـت بعــيد وصارت بغير دولــــه= =لكـــن غـلاهـا بالحــشا حــــي لازل ماطـاع قلــبي في غلاهـا عــذولــه= =ولايمكــن انساها ولا أطيع عـــذال ليت الزمن يرجع بنا للطـفولـــــــه= =وابقـى طفل . ماودّي اصير رجّــال منقووول^_^) |
رد: علمي بها بأيام سن الطفوله
صح لسانك اختي العزيزة
قصيده رائعة جدا أعجبتي كثيرا الله يعطيك العافية دمتي بحفظ الرحمن.. |
رد: علمي بها بأيام سن الطفوله
هلا فيك اخوي الفتى الذهبي
مشكووووور ع التواجد ....تحيتي |
رد: علمي بها بأيام سن الطفوله
قصيده رااائعه
سلمت يداااك على الاختيار الجميل. دمتي بووود. |
رد: علمي بها بأيام سن الطفوله
ايــــــــــــــــــــــــــــــــــــــــــــــــ ــــــــــــــــــــــــــــــــه ايه
ليت الزمن يرجع بنا للطـفولـــــــه = وابقـى طفل . ماودّي اصير رجّــال سلمت يديك فزــــــــو لــهـــآ |
رد: علمي بها بأيام سن الطفوله
صح لسانك يا شاعرتنا
|
رد: علمي بها بأيام سن الطفوله
مشكوره اختي فزولها ابيات جميله تقبلي خالص شكري وتقديري
|
رد: علمي بها بأيام سن الطفوله
سلميت يداك اختي المبدعةوتقبلي موروي
|
الساعة الآن 08:35 AM
|
Powered by vBulletin® Version 3.8.11
Copyright ©2000 - 2024, vBulletin Solutions Inc.
new notificatio by 9adq_ala7sas
استضافه ودعم وتطوير وحمايه من استضافة تعاون