منتديات قبائل ال تليد - تخيل يوم عآنقني خيآلك خآطري وش قآل

منتديات قبائل ال تليد (https://www.al-taleed.com/vb/index.php)

- - "تحليقات في فضاءات همس القصيد" (https://www.al-taleed.com/vb/forumdisplay.php?f=10)

- - تخيل يوم عآنقني خيآلك خآطري وش قآل (https://www.al-taleed.com/vb/showthread.php?t=5196)

تخيل يوم عآنقني خيآلك خآطري وش قآل

السلام عليكم ورحمة الله وبركاته

على ذكر‎ المواجع والسفر والحل والترحال !!
طويت آخر ورق عندي في دفتر أحزاني ...

طويته .. وانكسر قلبي وصوتي بالمواجع ســال
ودريت إن الظلام اللي تحت كف السهر جاني !!

جلست أجمع مسافاتي وأغني للسفر موال
على صفحة من الماضي بها حلمي وعنواني ..

بها كم سافرت عيني ليالي والظلام أهوال
وبها كم سافرت روحي وأنا بالليل وحداني

![حبيبي كل ما أشوفك تجي بالذاكره تختال
نهر من فايض الذكرى يجي من داخل أشجاني]! !!

تخيل يوم عانقني خيالك .. خاطري وش قال !!
تخيل قبل أسولفلك نشدني عنك وجداني!.

نشدني لين خلاني ![مدينه هزها زلزال ]!
تخيل !! ماهدى حتى لقاك بوسط شرياني

أروح لسدرة الموعد معاي لموعدك مرسال
وأخاف إنك تجي قبلي وترحل قبل تلقاني ..

هنا كانت ليالينا ![غـــــلا]! والمقبلات![آمـــــال ]
وهنا كانت مواعيدك مطر تخضر به أغصاني !!

هنا شف .. باقي آثارك على رمل الوعد مازال !.
وهنا شف دمعه طاحت من عيونك على شاني ..

!حبيبي لا تنشدني عن أوضاعي وكيف الحال !
أنا بعدك سحاب أبيض ![أضم الريح بأحضاني]!

تسافر بي الذكرى وأحسب إني وصلت آخــر وطن بالبال
واثرني ماوصلت إلا بدايـــة درب حرماني

وتبقى سيرة الذكرى قصيده تكتب الترحال
سوالف للعيون اللي صداها "دمعةأحزاني"

تـقبلوا تحياتي